بيىلعى ءماۋلىت مەرەكەسى قاشان اتاپ وتىلەدى؟

ءماۋلىت اتاۋى بارشا مۇسىلماننىڭ ۇلگىسى بولعان مۇحامەد (س.ع.س.) پايعامبارىمىزدىڭ ومىرگە كەلۋ قۇرمەتىنە بەرىلگەن.

مۇسىلماندارعا ارنالعان 2022 جىلدىڭ كۇنتىزبەسىنە سايكەس، ءماۋلىت مەرەكەسى قازاندا تويلانادى، دەپ حابارلايدى Almaty-akshamy.kz

2022 جىلى ءماۋلىت مەرەكەسى 7-نەن 8 قازانعا قاراعان كۇنگە سايكەس كەلەدى. ءماۋلىت مەرەكەسىن تويلاۋ يسلامدا ھيجري IV-V عاسىرلاردان باستالادى.

اراب تىلىنەن اۋدارعاندا «تۋعان كۇن» دەگەن ماعىنانى بەرەدى. بۇل يسلام ەلدەرىندە كەڭىنەن تويلانادى. سيريا، الجير، تۋنيس، ماروككو جانە باسقا ەلدە ءماۋلىت كۇنى قالىس قالمايدى. پاكىستاندا بۇل مەرەكە ءۇش كۇن تويلانادى.

مۇحامەد (س.ع.س.) پايعامبارىمىز قۇرايىش تايپاسىنان شىققان. اكەسى ابدۋللا، اتاسى ءابدىمۇتالىپ. اناسىنىڭ ەسىمى - ءامينا.

بۇل كۇندى تويلاۋداعى نەگىزگى ماقسات - پايعامبار عۇمىرىن ۇلگى ەتۋ. ونىڭ ءجۇرىپ وتكەن ءومىرىن، امالدارىن، وسيەتىن ۇرپاققا جەتكىزۋ. اتا-انانى قۇرمەتتەۋگە، سۇننەت جولىن ۇستانۋعا ۇيرەتۋ. پايعامبار كورسەتىپ كەتكەن جولدى نۇسقاۋ. وسيەتىن ەسكەرۋ.

ءماۋلىت كۇنى قۇران وقىلىپ مۇسىلماندار باس قوسادى. ساۋاپتى امالدار اتقارادى. بىر-بىرىنە سىيلىق بەرىپ، كوڭىلىن اۋلايدى. دىنىمىزدە رۇقسات ەتىلگەن وزگە دە ساۋاپتى امالداردى جاساۋدىڭ ارتىقشىلىعى جوق.