بۇل - ىشكى ىستەر ءمينيسترى مارات احمەتجانوۆتىڭ مالىمدەمەسى.
قازاقستاندا بيىل جول-كولىك وقيعالارى 14 پايىزعا كوبەيىپ كەتكەن، دەپ حابارلايدى Almaty-akshamy.kz
«جىل سايىن 13 مىڭنان اسا جول اپاتى بولىپ، 2 مىڭنان اسا ادام قازا تاۋىپ، 18 مىڭنان استامى جاراقات الادى»، - دەدى احمەتجانوۆ.
ونىڭ ايتۋىنشا، سوڭعى ءتورت جىلدا جازاتايىم وقيعالار ازايعان.
«جول اپاتى پاندەميا كەزىندە ايتارلىقتاي تومەندەدى. ءبىراق ءالى كۇنگە دەيىن الماتى، الماتى وبلىسى، جامبىل جانە تۇركىستان وبلىستارىندا اپاتتاردىڭ جوعارى دەڭگەيى ساقتالىپ تۇر»، - دەدى مينيستر.
ىشكى ىستەر مينيسترلىگىنىڭ مالىمەتىنشە، جىل باسىنان بەرى (8 اي ىشىندە) بارلىق جكو كورسەتكىشتەرى وسكەن:
جول-كولىك وقيعالارى - 14 پايىزعا؛
قازا بولعاندار - 18 پايىزعا؛
جارالانعاندار - 13 پايىزعا.
جىل باسىنان بەرى پوليسيا 4،5 ميلليوننان استام جول قوزعالىسى ەرەجەسىن بۇزعان دەرەكتى انىقتاعان. 17،5 مىڭنان اسا ماس جۇرگىزۋشى ۇستالعان.