قازاقستان ازاماتتارى كىرگىزىلمەيتىن ويىن ايماقتارى بىردەن ەلىمىزدىڭ ءۇش وڭىرىندە پايدا بولۋى مۇمكىن، دەپ حابارلايدى aqshamnews.kz
باسىمدىق ماڭعىستاۋ، جەتىسۋ جانە الماتى وبلىسىنا بەرىلەدى. ويىن جانە لوتەرەيا بيزنەسىن رەتتەۋ كوميتەتى ءتوراعاسىنىڭ مىندەتىن اتقارۋشى ادىلەت تۇرعانبايەۆ ءتۋريزمدى دامىتۋ شەڭبەرىندە قازاقستاننىڭ بىرنەشە وڭىرىندە ويىن ايماقتارىن قۇرۋ مۇمكىندىگى قاراستىرىلىپ جاتقانىن حابارلادى.
«ءبىرىنشى كەزەكتە بىزدە تۋريستىك كلاستەر رەتىندە ماڭعىستاۋ وبلىسى، ودان كەيىن الماتى وبلىسى مەن جەتىسۋ وبلىسى - الاكول بار. سونداي-اق، ءبىز قىتايمەن شەكارادا بىرنەشە ورىندى قاراستىرامىز»، - دەدى ول.
ونىڭ ايتۋىنشا، حالىقارالىق تاجىريبە كازينولار مەن ويىن ايماقتارى ءتۋريزمنىڭ دامۋىنا، اسىرەسە ەل ەكونوميكاسىنا قوماقتى قاراجات اكەلۋگە جانە ينۆەستيسيا سالۋدا تاپتىرمايدى. بايىعان شەتەلدىك تۋريستەردى تارتۋعا ىقپال ەتەدى. وسىعان بايلانىستى جاڭا باستاما تەك شەتەلدىكتەرگە باعىتتالعان، ال قازاقستان ازاماتتارىنا مۇنداي كازينولارعا كىرۋگە تىيىم سالىنادى. ولار كىرگىزىلگەن جاعدايدا، ويىن مەكەمەلەرىنىڭ يەلەرى ليسەنزيانى قايتارىپ الۋدى قوسا العاندا، جاۋاپكەرشىلىككە تارتىلادى.
«ءقازىر ءبىز (نورمانى) مەملەكەتتىك ورگاندارمەن تالقىلاپ جاتىرمىز. ەگەر قولداۋ كورسەتىلسە، ءبىز ونى پارلامەنتكە ەنگىزەمىز»، - دەدى تۇرعانبايەۆ.
تۇرعانبايەۆ قازاقستاندىقتار ءۇشىن بۋراباي مەن قونايەۆتاعى كازينولار اشىق قالا بەرەتىنىن ايتادى.
ينۆەستورلاردى ىنتالاندىرۋ ءۇشىن قوسىمشا شارالار دا قاراستىرىلىپ جاتىر. اتاپ ايتقاندا، كازينولاردى ولاردىڭ سانىن كوبەيتۋگە ىنتالاندىرۋ ءۇشىن ويىن ۇستەلدەرى مەن اۆتوماتتار ءۇشىن تولەمدى تومەندەتۋ ۇسىنىلادى.
«ءبىز ءقازىر شەتەلدىكتەرگە باسا نازار اۋدارىپ وتىرعانىمىزدى ەسكەرە وتىرىپ، ۇلىبريتانيانىڭ تاجىريبەسى بويىنشا ولاردى جەكە تابىس سالىعىن تولەۋدەن بوساتقىمىز كەلەدى. ياعني، كليەنت، ەگەر كازينودا جەڭىسكە جەتسە، ول بارلىق ۇتىستاردى وزىمەن بىرگە الىپ كەتەدى. ياعني، ول بيۋدجەتكە تولەمەيدى»، - دەپ اتاپ ءوتتى كوميتەت ءتوراعاسىنىڭ مىندەتىن اتقارۋشى.
الەۋەتتى ينۆەستورلارعا كەلەتىن بولساق، تۇرعانبايەۆ قىتايلىق، ەۋروپالىق جانە رەسەيلىك كومپانيالاردىڭ ۇسىنىستارى قاراستىرىلىپ جاتقانىن ايتتى. سونداي-اق، جەرگىلىكتى كاسىپكەرلەردى تارتۋ جوسپارلانۋدا، ويتكەنى شەتەلدىك ينۆەستورلار تاۋەكەلدەردى ءبولۋ ءۇشىن قازاقستاندىق سەرىكتەستەرمەن ىنتىماقتاستىققا مۇددەلى.