قازاقستاندا جەكە پروسەدۋرلىق كابينەتتەرگە جۇرگىزىلگەن تەكسەرىستەر ناتيجەسىندە 15 ميلليون تەڭگەدەن استام ايىپپۇل سالىندى، دەپ حابارلايدى Aqshamnews.kz ءتىلشىسى.
دەنساۋلىق ساقتاۋ مينيسترلىگىنىڭ مالىمەتىنشە، تەكسەرىس بارىسىندا ليسەنزياسىز نەمەسە قاجەتتى قوسىمشالارسىز جۇمىس ىستەگەن، سونداي-اق ءتۇرلى زاڭبۇزۋشىلىقتارعا جول بەرگەن 406 وبەكت انىقتالعان. ءتۇسىندىرۋ جۇمىستارى جۇرگىزىلگەننەن كەيىن 247 كابينەتتىڭ قىزمەتى ءوز ەركىمەن توقتاتىلعان.
«پروسەدۋرلىق كابينەتتەر – ەپيدەميولوگيالىق تۇرعىدان جوعارى كاتەگورياداعى نىساندار. ولار دەنساۋلىق ساقتاۋ سۋبەكتىلەرىنە قويىلاتىن بارلىق تالاپتارعا ساي بولۋى ءتيىس. ورتا بۋىنداعى مەديسينا قىزمەتكەرلەرىنە ليسەنزياسىز ءينۆازيۆتى پروسەدۋرالار جاساۋعا رۇقسات ەتىلمەيدى. الايدا ءبىرقاتار كابينەتتە مۇنداي قىزمەتتەر زاڭسىز كورسەتىلگەن»، – دەپ حابارلادى مينيسترلىك.
قالعان نىساندار بويىنشا تەكسەرىستەر جالعاسىپ جاتىر. بۇگىنگە دەيىن 84 وبەكتىگە جوسپاردان تىس تەكسەرۋ جۇرگىزىلىپ، كەلەسى زاڭبۇزۋشىلىقتار انىقتالعان:
- مەديسينالىق قىزمەتكە ليسەنزيانىڭ بولماۋى؛
- سانيتارلىق تالاپتاردىڭ ساقتالماۋى؛
- دارى-دارمەكتەردى دۇرىس ساقتاماۋ؛
- بىلىكتى پەرسونالدىڭ جوقتىعى؛
- جەدەل كومەككە ارنالعان قاجەتتى جابدىقتاردىڭ بولماۋى.
تەكسەرىس ناتيجەسىندە 122 اكىمشىلىك حاتتاما تولتىرىلىپ، جالپى سوماسى 15 ميلليون تەڭگەدەن اساتىن ايىپپۇل سالىنعان. مينيسترلىك جەكە كابينەتتەردى تەكسەرۋ جۇمىستارىن جالعاستىرىپ جاتىر.