ەلىمىزدە كامەلەتكە تولماعاندار اراسىندا تىركەلگەن ەسىرتكى قىلمىسى ازايماي تۇر.
ءىىم وكىلى شۇعىلا تۇرلىبەكتىڭ دەرەگىنشە، 2020 جىلى كامەلەتكە تولماعاندار 15 ەسىرتكى قىلمىسىن جاساسا، ونىڭ 5ء-ى ساتۋ فاكتىسىنە قاتىستى. ال 2021 جىلى بۇل كورسەتكىش 26 فاكتىگە وسكەن، ونىڭ 10-ى ساتۋ فاكتىسى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«2022 جىلى كامەلەتكە تولماعاندار 25 ەسىرتكى قۇقىق بۇزۋشىلىعىن جاساعان، ولاردىڭ جارتىسى ەسىرتكىنى ساتۋعا قاتىستى. بيىل قىلمىستىق ءىس جۇرگىزۋگە 29 كامەلەتكە تولماعان بالا تارتىلدى، ونىڭ ىشىندە 13 كوللەدج ستۋدەنتى، جوعارعى وقۋ ورىندارىنىڭ 3 ستۋدەنتى جانە 6 وقۋشى بار»، - دەدى ۆەدومستۆو وكىلى.
ايتا كەتەيىك، 2024 جىلدان باستاپ قازاقستاندىق وقۋشىلار جاپپاي ناشاقورلىققا تەكسەرىلدى.
دەنساۋلىق ساقتاۋ ورگاندارىنىڭ دەرەكتەرى بويىنشا قازاقستاندا ەسىرتكىگە تاۋەلدى 18 200 ادام ەسەپتە تۇر. ونىڭ ىشىندە 1500ء-ى ايەل جانە 100-گە جۋىعى كامەلەتكە تولماعاندار.