ءبىر ايدا 22 515 ادامعا كوبەيگەن.
ۇلتتىق ستاتيستيكا بيۋروسى حالىق سانىنا بايلانىستى دەرەكتەردى جاريالادى، دەپ حابارلايدى Almaty-akshamy.kz
ءبىر ايداعى ءوسىم
بيۋرونىڭ مالىمەتىنشە، 2024 جىلدىڭ 1 مامىرىندا حالىق سانى 20 118 478 ادام بولعان. بيۋرو بۇعان دەيىن 1 ساۋىردە قازاقستان حالقىنىڭ سانى 20 095 963 ادامدى قۇراعانىن حابارلاعان ەدى. ياعني، ءبىر ايدا 22 515 ادامعا كوبەيگەن.
2024 جىلدىڭ باسىندا حالىق سانى 20 033 842 ادام بولعان.
قالا مەن اۋىلداعى حالىق سانى
قازاقستاننىڭ قالالارىندا 12 451 192 ادام تۇرادى. ال اۋىلدارداعى جان سانى – 7 582 650.
حالقى ەڭ كوپ قالالار مەن وبلىستار
حالىقتىڭ ەڭ كوبى الماتى قالاسىندا شوعىرلانعان. وڭتۇستىك استانادا 2 228 677 ادام تۇرادى. ودان كەيىنگى ورىندا تۇركىستان وبلىسى. ول وڭىردە 2 142 172 ادام بار. الماتى وبلىسىندا 1 531 167 ادام تۇرادى. حالقى ميلليوننان اساتىن وڭىرلەردىڭ قاتارىنا 1 135 351 ادام تۇراتىن قاراعاندى وبلىسى دا كىرەدى.
استانادا 1 430 117، ال شىمكەنتتە 1 222 066 ادامنان بار.
حالقى ەڭ از وبلىس – سولتۇستىك قازاقستان. وندا 530 089 ادام تىركەلگەن.