بۇل بۇرىنعى كورسەتكىشتەن 80،9%-عا نەمەسە 5،9 مىڭ تونناعا كوپ.
رەسمي ستاتيستيكا بويىنشا، 2022 جىلى سۋ قويمالارىنان 50،6 مىڭ توننا بالىق اۋلانعان، دەپ حابارلايدى Almaty-akshamy.kz.
سازان 2،5 مىڭ توننا، كوكسەركە 2،1 مىڭ توننا، فورەل جانە تۇقى ءارقايسىسى 2 مىڭ توننانى قۇرادى.
بىلتىر سۋ قويمالارىنان اۋلانعان 50،6 مىڭ توننا بالىق سوڭعى 10 جىلداعى رەكورد سانالادى. ونىڭ 17،8 مىڭ تونناسى تەڭىزدەردەن اۋلانعان.
ماسەلەن، اتىراۋ جانە ماڭعىستاۋ وبلىستارىنداعى تەڭىز بالىعى (كاسپيي) 9،9 مىڭ توننانى قۇرادى. قىزىلوردا (ارال) مەن اقتوبەدە – 7،8 مىڭ توننا. ياعني، ارال تەڭىزى ەلىمىزدىڭ بالىق شارۋاشىلىعى ءۇشىن ءالى دە ماڭىزدى. وندا اۋلانعان بالىقتار جالپى رەسپۋبليكالىق كورسەتكىشتىڭ 15%-ىن قۇرايدى.
بىلتىر قازاقستان شەتەلگە 88،9 ملن دوللارعا 25،6 مىڭ توننا ءارتۇرلى بالىقتى ساتسا، 137،3 ملن دوللارعا 41،2 مىڭ توننا ساتىپ الدى.
نەگىزگى ەكسپورتتىق تاۋار – بالىق فيلەسى. 61،2 ملن دوللاردىڭ 9،9 مىڭ تونناسى شەتەلگە كەتتى. نەگىزگى ساتىپ الۋشىلار گەرمانيا (18،7 ملن دوللار)، ليتۆا (13،1 ملن دوللار) جانە نيدەرلاندى (11،6 ملن دوللار) بولدى.
يمپورتتىڭ باسىم بولىگى مۇزداتىلعان بالىق بولىپ تابىلادى. نەگىزگى ساتۋشىلار نورۆەگيا (65،5 ملن دوللارعا 16،3 مىڭ توننا)، رەسەي (20،6 ملن دوللارعا 11،7 مىڭ توننا) جانە چيلي (17،7 ملن دوللارعا 2،1 مىڭ توننا) بولىپ تابىلادى.