ەلىمىزدە بيزنەس جۇرگىزۋ شارتتارى ايتارلىقتاي جەڭىلدەتىلدى

قازاقستان ۇكىمەتى ينۆەستيسيالىق احۋالدى جاقسارتۋ جانە كاسىپكەرلىكتى دامىتۋ بويىنشا كەشەندى جۇمىستى جالعاستىرۋدا.

بۇگىنگى تاڭدا قابىلدانعان شارالاردىڭ ارقاسىندا شاعىن جانە ورتا بيزنەستە جۇمىسپەن قامتىلعاندار سانى 10%-عا ارتىپ، 4،3 ملن ادامعا جەتتى. بۇل ەلىمىزدەگى ەڭبەككە قابىلەتتى ازاماتتارىنىڭ 45%-ى. وتكەن جىلدىڭ 9 ايىندا قازاقستاننىڭ جالپى ىشكى ونىمىندەگى شاعىن جانە ورتا بيزنەستىڭ ۇلەسى 36،5%-عا دەيىن ءوستى.

• بيزنەس جۇرگىزۋ شارتتارى ايتارلىقتاي جەڭىلدەتىلدى. مىسالى، 10 مىڭنان استام ارتىق تالاپ الىنىپ تاستالدى. تاۋەكەلدەردى باسقارۋ جۇيەلەرىن اۆتوماتتاندىرۋ ناتيجەسىندە 1 قاڭتاردان باستاپ ادام قاتىسۋىنسىز تەكسەرۋلەر تاعايىندالىپ جاتىر. بۇل شارا تەكسەرۋلەر سانىن 2 ەسە ازايتادى.

سونىمەن قاتار مەملەكەت بيزنەستى قارجىلاي قولداۋ شارالارىن جۇزەگە اسىرۋدا. اتاپ ايتقاندا، بيىل 900 ملرد تەڭگەدەن استام سوماعا شوب-تىڭ بانكتىك نەسيەلەرىن سۋبسيديالاۋ جانە كەپىلدەندىرۋ جوسپارلانىپ وتىر.

• «بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارى بىرىكتىرىلگەنىن ەسكەرە وتىرىپ، كاسىپكەرلىكتى قولداۋدىڭ جاڭا تاسىلدەرى ازىرلەندى. سۋبسيديالاۋدان كەپىلدىك بەرۋ قۇرالدارىنا جانە وزگە دە قارجىلىق ەمەس قولداۋ شارالارىنا بىرتىندەپ كوشۋ كوزدەلەدى.


• 
  

  

  
  

ودان بولەك وبليگاسيالار مەن بىرلەستىرىلگەن نەسيەلەر ارقىلى قارجىلاندىرۋ قۇرالدارى كەڭىنەن قولدانىلادى.

• اكىمشىلەندىرۋدىڭ سەرۆيستىك مودەلىن ەنگىزۋدى كوزدەيتىن جاڭا سالىق كودەكسى بويىنشا جۇمىس جالعاسۋدا. ناتيجەسىندە سالىق مىندەتتەمەلەرىن ورىنداۋ پروسەسى ايتارلىقتاي جەڭىلدەمەك. جالپى سالىقتار مەن باسقا دا تولەمدەر سانى 20%-عا، ال سالىق ەسەبى نىساندارىنىڭ سانى 30%-عا قىسقارادى. بۇل رەتتە وڭدەۋ ونەركاسىبىندەگى جاڭا جوبالار 3 جىلعا سالىق تولەۋدەن بوساتىلادى.

ناتيجەسىندە سالىق مىندەتتەمەلەرىن ورىنداۋ جەڭىلدەتىلىپ، سالىق جيناۋ تيىمدىلىگى ارتادى.