2024 جىلى ەلىمىزدە ينجەنەرلىك جەلىلەردى جوندەۋگە 450 ملرد تەڭگەدەن استام ينۆەستيسيا سالىنادى
مەملەكەت باسشىسى قاسىم-جومارت توقايەۆتىڭ تاپسىرماسى بويىنشا ق ر ۇكىمەتى ەلىمىزدىڭ بۇكىل تۇرعىن ۇي-كوممۋنالدىق سالاسىن اۋقىمدى جاڭعىرتۋدى جۇزەگە اسىرۋدا.
ماسەلەن، 2023 جىلى كوممۋنالدىق ينفراقۇرىلىمدى جاڭعىرتۋعا 500 ملرد تەڭگە، ونىڭ ىشىندە بيۋدجەت ەسەبىنەن – 327 ملرد تەڭگە باعىتتالدى. ناتيجەسىندە ءبىرقاتار ءىرى جىلۋ كوزدەرى مەن 5،8 مىڭ كم ينجەنەرلىك جەلىلەر جوندەلدى.
بيىل بۇل ماقساتتارعا 450 ملرد تەڭگەدەن استام ينۆەستيسيا تارتىلىپ، 6،5 مىڭ شاقىرىم ينجەنەرلىك جەلى جوندەلەدى.
جالپى، جۇرگىزىلىپ جاتقان تاريفتىك رەفورمانىڭ ارقاسىندا 2029 جىلعا دەيىن 62 مىڭ شاقىرىم ينجەنەرلىك جەلىلەردى جاڭعىرتۋ جانە توزۋدى 20%-عا ازايتۋ ءۇشىن شامامەن 3 ترلن تەڭگە ينۆەستيسيا تارتۋ جوسپارلانىپ وتىر. بۇل كوممۋنالدىق ينفراقۇرىلىمدى نورماتيۆتىك جاعدايعا جەتكىزۋگە مۇمكىندىك بەرەدى.