قازاقستاننىڭ ۇزدىك تەننيسشىسى ەلەنا رىباكينانىڭ اۋسترالياداعى بريسبەن قالاسىندا وتەتىن WTA 500 تۋرنيرىندەگى قارسىلاستارى بەلگىلى بولدى، - دەپ حابارلايدى aqshamnews.kz ءتىلشىسى.
تۋرنير قاشان وتەدى؟
WTA 500 ساناتىنداعى جارىس بريسبەندە 4–11 قاڭتار ارالىعىندا وتەدى.
رىباكينا قاشان جانە كىممەن وينايدى؟
جوعارى رەيتينگىنىڭ ارقاسىندا ەلەنا العاشقى اينالىمدى وتكىزبەي، بىردەن ەكىنشى اينالىمنان باستايدى. ونىڭ ەكىنشى اينالىمداعى قارسىلاسى اقش تەننيسشىسى ەشلين كريۋگەر (№44) مەن ىرىكتەۋدەن وتكەن "ءساتتى جەڭىمپازداردىڭ"(lucky loser) ءبىرىنىڭ ماچىنەن كەيىن بەلگىلى بولادى. رىباكينانىڭ العاشقى ويىنى 6 قاڭتارعا جوسپارلانعان.
كەستەدەگى ىقتيمال قارسىلاستار
رىباكينا تۇرعان شيرەكتە رەسەيلىك ەكاتەرينا الەكساندروۆا (№7) بار. ال جارتىلاي فينالدا ونىڭ ىقتيمال قارسىلاسى رەتىندە الەمنىڭ ءبىرىنشى راكەتكاسى ارينا سوبولەنكو اتالىپ وتىر.
بىلتىرعى ناتيجە قانداي؟
2024 جىلى رىباكينا بريسبەن ءتۋرنيرىن جەڭىپ، فينالدا ءدال وسى سوبولەنكونى ۇتقان.