ەكى وڭىردە اقبوكەندەردى زاڭسىز اۋلاعان براكونەرلەر ۇستالدى، - دەپ حابارلايدى aqshamnews.kz ءتىلشىسى Polisia.kz-كە سىلتەمە جاساپ.
2025 جىلعى 29 تامىزدا جەدەل-ىزدەستىرۋ ءىس-شارالارى بارىسىندا قاراعاندى وبلىسىنىڭ كريمينالدىق پوليسيا قىزمەتكەرلەرى ىشكى ىستەر مينيسترلىگىنىڭ ۇيلەستىرۋىمەن اقبوكەندەردىڭ دەريۆاتتارىن ودان ءارى وتكىزۋ ماقساتىندا ولاردى زاڭسىز اۋلاۋمەن اينالىسقان ءۇش ادامنان تۇراتىن براكونەرلىك قىلمىستىق توپتى ۇستادى.
ۇستالعانداردان جالپى سالماعى شامامەن 400 كەلىنى قۇرايتىن 1 127 اقبوكەن ءمۇيىزى، سونداي-اق ەكى تەگىس ۇڭعىلى مىلتىق تاركىلەندى.
كۇدىكتىلەردى جانە ولاردىڭ بايلانىستارىن ودان ءارى تەكسەرۋ بارىسىندا بىلتىر 24 جەلتوقساندا پاۆلودار وبلىسىندا رەسەي فەدەراسياسىمەن مەملەكەتتىك شەكارادا ەكى ادامنان تۇراتىن براكونەرلەردىڭ ەكىنشى توبى ۇستالدى.
ولاردىڭ ءبىرى - شەتەل ازاماتى. بۇل تۇلعالار مەملەكەتتىك شەكارا ارقىلى شامامەن 2 مىڭ (1 882) اقبوكەن ءمۇيىزىن كونتراباندالىق جولمەن الىپ وتپەك بولعان. زاڭسىز جۇك كولىگىنىڭ ارنايى جابدىقتالعان جاسىرىن ورنىنا الدىن الا جاسىرىلعان. بۇل دەرەكتەر بويىنشا قىلمىستىق ءىس قوزعالىپ، سوتالدى تەرگەپ-تەكسەرۋ جۇرگىزىلىپ جاتىر.