قازاقستاننىڭ ءبىرىنشى، الەمنىڭ 5-راكەتكاسى ەلەنا رىباكينا ءابۋ-دابي (ءواا) WTA 500 ءتۋرنيرىنىڭ جەڭىمپازى اتاندى.
قازاقستاندىق تەننيسشى فينالدا الەمنىڭ 14-راكەتكاسى، رەسەيلىك داريا كاساتكينامەن باس جۇلدەنى ساراپقا سالدى. وسىعان دەيىن قارسىلاستار ءتورت مارتە كەزدەسكەن ەدى. ەسەپ تەڭ – 2:2.
- بۇل جولى ءبىرىنشى پارتيادا ە.رىباكينا بەت قاراتپادى – 6:1. ەلەنا ەكىنشى سەتتە دە برەيكپەن العا كەتكەنىمەن، رەسەيلىك تەننيسشى سول بويدا تارازى باسىن تەڭەستىردى – 2:2.
- ەسەپ 4:4 بولعان مەزەتتە رىباكينا تاعى ءبىر برەيك جاساي الدى – 5:4. سودان كەيىن ماچقا دوپ بەرگەندە، قاتەلەسكەن جوق – 6:4.
- ءبىر ساعات 10 مينۋتقا سوزىلعان باسەكە بارىسىندا ەلەنا 3 ەيسپەن بىرگە 10 برەيك-پوينتتىڭ التاۋىن ءوز ەسەبىنە جازدى. كاساتكينا 5 برەيك-پوينتتىڭ ۇشەۋىن قۇر جىبەرگەن جوق.
وسىلايشا، بيىل ەلەنا رىباكينا WTA 500 جارىسىندا ەكىنشى رەت جەڭىمپاز اتاندى. ول وتكەن ايدا بريسبەندە (اۋستراليا) ۇزدىك شىققان ەدى.