بۇل سوڭعى ءۇش جىلعا تالداۋ جاساعان Krisha.kz ساراپشىلارىنىڭ قورىتىندىسى.
مامانداردىڭ ايتۋىنشا، ەكىنشى نارىقتاعى پاتەر قۇنى 27 پايىزعا وسكەن، دەپ حابارلايدى Almaty-akshamy.kz
قىمباتشىلىققا سۇرانىستىڭ ارتۋى، زەينەتاقى قورىنان اقشا الۋعا رۇقسات بەرۋ، دوللار باعامىنىڭ ءوسۋى، قۇرىلىس ماتەريالدارىنىڭ قىمباتتاۋى (ءبىرىنشى نارىقتاعى وزگەرىس ۇستالعان ۇيگە دە اسەرىن تيگىزەدى)، 2022 جىلى قۇرىلىس قارقىنىنىڭ باسەڭدەۋى ىقپال ەتتى.
2021 جىلى ەل بيلىگى زەينەتاقى قورىنان ارتىق اقشا الۋعا رۇقسات بەردى. سالدارىنان اجيوتاج بولىپ، ءۇي باعاسىنىڭ شارىقتاۋىنا اكەلدى. ءبىر جىلدا ەل ازاماتتارى شامامەن 2،5 تريلليون تەڭگە شەشىپ العان. تۇرعىن ۇيمەن بايلانىستى مامىلە سانى الدىڭعى جىلمەن سالىستىرعاندا ەكى ەسەگە ءوستى. ەكىنشى نارىقتا پاتەر قۇنى 27 پايىزعا وسسە، جاڭا ۇيلەر ءتىپتى 40 پايىزعا قىمباتتادى.
2022 جىلى بيلىك قوردان الۋعا رۇقسات بەرىلگەن سومانى 70 پايىزعا ارتتىرعاندىقتان، زەينەتاقى قورىنا جۇگىنگەن، ءۇي ىزدەگەن ەلدىڭ قاراسى ازايىپ قالدى. الايدا قۇرىلىس ماتەريالدارى مەن جۇمىس اقىسى كوتەرىلگەن سوڭ باسپانا قۇنى شارىقتاي بەردى. ءبىر جىلدا مۇلىك يەلەرى قولدان ساتقان پاتەرلەردىڭ ورتاشا باعاسى تاعى 10 پايىزعا ءوستى.
بىلتىر نارىق ءبىرشاما تۇراقتادى. ءى توقساندا باعا ازداپ كوتەرىلگەنمەن، جاز اياعىنا قاراي قايتا ءتۇستى، ال كۇزدە مۇلدە توقتاپ قالدى، قىستا دا وزگەرىس بايقالمادى. ءبىر جىلدا نەبارى 1،1 پايىزعا اۋىتقىعان.