اكۋشەرلىك-گينەكولوگيالىق كومەكتىڭ ساپاسىن ارتتىرۋ جونىندەگى ودان ءارى شارالار دەنساۋلىق ساقتاۋ ءمينيسترى اقمارال ءالنازاروۆانىڭ توراعالىعىمەن بوساندىرۋ قىزمەتىنىڭ جۇمىسىن جەتىلدىرۋ جونىندەگى ۇيلەستىرۋ كەڭەسىنىڭ وتىرىسىندا قارالدى.
ددۇ باعالاۋى بويىنشا، قازاقستان وسى كورسەتكىشتى جاقسارتۋ ديناميكاسى جوعارى 10 ەلدىڭ قاتارىنا كىردى. حالىقارالىق ۇيىمنىڭ ەسەبىندە رەسپۋبليكاداعى انا ءولىمى سوڭعى 20 جىلدا 76%-عا تومەندەگەنى اتاپ ءوتىلدى، بۇل جۇكتىلىك، بوسانۋ جانە بوسانعاننان كەيىنگى كەزەڭدە ايەلدەرگە ارنالعان مەديسينالىق كومەكتىڭ ساپاسىن جاقسارتۋ بويىنشا ءتيىمدى جۇيەلى شارالاردى ىسكە اسىرۋ ەسەبىنەن قول جەتكىزىلدى.
وتىرىس بارىسىندا ق ر دسم باس اكۋشەر-گينەكولوگى، ق ر دسم باس شتاتتان تىس ينفەكسيونيستى، «استانا مەديسينا ۋنيۆەرسيتەتى» كەاق، م.وسپانوۆ اتىنداعى بقمۋ، «سەمەي مەديسينا ۋنيۆەرسيتەتى»كەاق، «س. اسفەندياروۆ اتىنداعى قازۇمۋ» كەاق اكۋشەرلىك جانە گينەكولوگيا كافەدرالارى مەڭگەرۋشىلەرىنىڭ، ساراپشى-دارىگەرلەردىڭ قاتىسۋىمەن قىزمەتتىڭ جۇمىسىن جاقسارتۋدىڭ وزەكتى ماسەلەلەرىن تالقىلادى.
بۇل دەنساۋلىق ساقتاۋدىڭ العاشقى بۋىنىنىڭ بوساندىرۋ ۇيىمدارىمەن تىعىز قارىم-قاتىناسى، مەديسينا قىزمەتكەرلەرىن اۋداندىق اۋرۋحانالار دەڭگەيىندە ەڭ جاقسى اكۋشەرلىك پراكتيكاعا ۇيرەتۋ، پرەناتالدىق باقىلاۋدىڭ ساپاسىن ارتتىرۋ جانە بولاشاق انالاردى پرەگراۆيدالىق دايىندىقپەن قامتۋ (جۇكتىلىكتى جوسپارلاۋ).
«2024 جىلى قازاقستاندا العاش رەت انا ءولىمىنىڭ ەڭ تومەن كورسەتكىشى تىركەلدى، بۇل دەنساۋلىق ساقتاۋ مينيسترلىگىنىڭ تاراپىنان قابىلدانعان جۇيەلى كەشەندى شارالاردىڭ، سونداي-اق العاشقى بۋىن دەڭگەيىندە ساراپشىلاردىڭ، اكۋشەر-گينەكولوگتاردىڭ، بوساندىرۋ قىزمەتى ماماندارىنىڭ كوپبەيىندى كومانداسىنىڭ بىرلەسكەن جۇمىسىنىڭ ناتيجەسى بولدى. 2023 جىلمەن سالىستىرعاندا انا ءولىمى جاعدايلارىنىڭ 12%-عا تومەندەۋىنە قول جەتكىزىلدى، بۇل 100 مىڭ ءتىرى تۋعانعا شاققاندا 10،1ء-دى قۇرادى»، - دەپ اتاپ ءوتتى ءوز سوزىندە انا مەن بالا دەنساۋلىعىن ساقتاۋ دەپارتامەنتىنىڭ ديرەكتورى ماعريپا ەمبەرگەنوۆا.
سوڭعى جىلدارى قابىلدانعان شارالار، سونىڭ ىشىندە اكۋشەرلىك كومەكتى ۇيىمداستىرۋ ستاندارتتارىن وزەكتەندىرۋ، جۇكتى جانە بوسانعان ايەلدەردىڭ مارشرۋتتارىن وڭتايلاندىرۋ، سونداي-اق بوسانۋ پروسەسىنە قاتىسۋشىلاردىڭ بارلىعىن ۇيلەستىرۋدى كۇشەيتۋ ورتالىقتا دا، وڭىرلەردە دە انالاردان ايىرىلۋدى ايتارلىقتاي تومەندەتۋ تۇرىندە ءوز ناتيجەلەرىن بەردى، دەپ اتاپ ءوتتى ۇيلەستىرۋ كەڭەسىنىڭ قاتىسۋشىلارى.
2024 جىلدىڭ قورىتىندىسى بويىنشا بوساندىرۋ سالاسىندا 706 سىني جاعداي تىركەلدى، ونىڭ 95%-ى قابىلدانعان جۇيەلى شارالاردىڭ ناتيجەسىندە ايەلدەر ءدىڭ ءومىرۋ ساقتالىپ قالدى. 1000 بوسانۋعا شاققانداعى ەلدەگى سىني جاعدايدىڭ كورسەتكىشى 1،9، وتكەن جىلى ول 2،2-دى قۇرادى. 2021 جىلدان باستاپ سىني جاعدايلاردىڭ 40%-عا تومەندەۋى بايقالادى، الايدا جۇكتىلىك كەزىندە العاش رەت دياگنوز قويىلعان اۋىر سوماتيكالىق پاتولوگيالارى بار جۇكتى ايەلدەردىڭ ءوسۋى بايقالادى.
جۇكتى ايەلدەرگە مەديسينالىق كومەك كورسەتۋدەگى جاعدايدى جاقسارتۋ ماقساتىندا دەنساۋلىق ساقتاۋ مينيسترلىگى اپتا سايىن وڭىرلەرمەن «اكۋشەرلىك ساعات» وتكىزەدى، اۋىر پاتولوگياسى بار ايەلدەرگە كۇن سايىن مونيتورينگ جۇرگىزەدى.
وتكەن جىلى ۇلتتىق شۇعىل مەديسينا ورتالىعىمەن بىرلەسىپ 906 جۇكتى جانە بوسانعان ايەلگە 2140 قاشىقتىقتان مەديسينالىق قىزمەت كورسەتىلدى؛ سانيتاريالىق اۆياسيامەن 165 ۇشۋ ورىندالدى؛ جەرگىلىكتى جەردە 9 ايەلگە وپەراسيا جاسالدى؛ وبلىستىق جانە رەسپۋبليكالىق كلينيكالارعا تاسىمالدانعان اۋىر جاعدايداعى 127 ايەلدىڭ ءومىرىن ساقتاپ قالدى.
بوسانۋ سالاسىندا انەستەزيولوگيا-رەانيماتولوگيا، كارديولوگيا، حيرۋرگيا، نەيروحيرۋرگيا، ينفەكسيا، پۋلمونولوگيا، تامىر حيرۋرگياسى، گەماتولوگيا، ۋرولوگيا، گاستروەنتەرولوگيا جانە ت. ب. سالالاردا 40-تان استام جەتەكشى ماماندى، پروفەسسوردى جانە عىلىمي جانە رەسپۋبليكالىق كلينيكالاردىڭ قىزمەتكەرىن تارتا وتىرىپ، تەلەمەديسينالىق كونسۋلتاسيالار پراكتيكاسى كەڭىنەن ەنگىزىلۋدە.
«جالپى پراكتيكا دارىگەرلەرىنىڭ جۇكتىلىك دەنساۋلىعى ءۇشىن ەمحانا دەڭگەيىندەگى جاۋاپكەرشىلىگىن كۇشەيتۋ قاجەت، ولاردىڭ داعدىلارى مەن بىلىمدەرىن كەڭەيتۋ ماقساتىندا ءبىلىم بەرۋ باعدارلامالارىن قايتا قاراۋ، جەرگىلىكتى جەرلەردە كادرلاردى تارتۋ، ولاردىڭ بىلىكتىلىگىن ارتتىرۋ ءۇشىن ىنتالاندىرۋ جاساۋ، سونداي-اق ەڭ قيىن ۋچاسكەلەردە - ءبىزدىڭ پەرزەنتحانالارىمىز بەن پەريناتالدىق ورتالىقتارىمىزدا جۇمىس ىستەيتىن مامانداردىڭ مارتەبەسىن كوتەرۋ. جۇكتى ايەلدەرگە مەديسينالىق كومەك كورسەتۋدە، ەڭ الدىمەن ولاردىڭ قاۋىپسىزدىگىن قامتاماسىز ەتۋدە، جەرگىلىكتى جەرلەردە رەانيماسيا جانە انەستەزيولوگيا ماسەلەلەرىن شەشۋدە ناقتى باسىمدىق بەرۋ كەرەك»، - دەپ اتاپ ءوتتى ا.ءالنازاروۆا.