الماتى قالالىق پوليسيا دەپارتامەنتىندە "سوتقا دەيىنگى تەرگەپ-تەكسەرۋ ساتىسىنداعى سوت ساراپتامالارىن تاعايىنداۋ جانە ءوندىرۋ كەزىندەگى پروبلەمالىق ماسەلەلەر" تاقىرىبىندا دوڭگەلەك ۇستەل ۇيىمداستىرىلدى.
ءىس-شاراعا اۋداندىق پوليسيا بولىمشەلەرىنىڭ تەرگەۋشىلەرى، انىقتاۋشىلارى مەن سوت ساراپشىلارى قاتىسىپ، ءوزارا تاجىريبە الماستى، دەپ حابارلايدى aqshamnews.kz Polisia.kz-كە سىلتەمە جاساپ.
كەڭەس وڭتۇستىك - شىعىس ءوڭىرى بويىنشا ءوڭىرارالىق سوت ساراپتاماسى ورتالىعىنىڭ جانە "ق ر ءام فرگكپ وكق" ۇيىمىنىڭ قولداۋىمەن وتكىزىلدى. كەزدەسۋ بارىسىندا پوليسيا قىزمەتكەرلەرىنە جاڭا تۇردەگى ساراپتامالار تۋرالى اقپارات بەرىلدى.
سونىمەن قاتار قوسىمشا جانە كەشەندى سوت ساراپتامالارىن تاعايىنداۋ، سوت-مەديسينالىق ساراپتاما جۇرگىزۋ كەزىندە جوعارى بىلىكتى مامانداردى تارتۋ قاجەتتىلىگى، سونداي-اق تاعايىندالعان ساراپتامالار بويىنشا ساراپشىلاردىڭ وتىنىشتەرىن قاراۋ مەرزىمدەرى مەن ءتارتىبى سياقتى ماسەلەلەر تالقىلاندى. بۇل جۇمىس كەڭەسى سوت ساراپتامالارىن ءتيىمدى جۇرگىزۋ جانە تەرگەۋ جۇمىستارىنىڭ ساپاسىن ارتتىرۋعا باعىتتالعان ناقتى ۇسىنىستار مەن شەشىمدەر ۇسىندى.