الەمگە ايگىلى اكتەر، رەجيسسەر جانە پروديۋسەر دجەكي چان قاتىساتىن «قۇدىرەتتى ساۋىت» (Armour of God) ءفيلمىنىڭ كەزەكتى ءبولىمى قازاقستاندا تۇسىرىلەدى.
ۇيىمداستىرۋشىلاردىڭ مالىمەتىنشە، بۇل جوبا فرانشيزانىڭ ءتورتىنشى ءبولىمى بولماق. ءتۇسىرىلىم ورنىن قازاقستاندا وتكىزۋ تۋرالى شەشىم بەيجىڭدە وتكەن كەلىسسوزدەردەن كەيىن قابىلدانعان، - دەپ حابارلايدى Aqshamnews.kz.
«قازاقستان – ەرەكشە تابيعاتى مەن تاريحي نىساندارىمەن كوز تارتاتىن ەل. بۇل فيلمگە قاجەتتى اتموسفەرانى بەرەدى»، – دەيدى جوبانى ۇيىمداستىرۋشىلار.
ايتا كەتەيىك، «قۇدىرەتتى ساۋىت» فرانشيزاسىنىڭ العاشقى ءفيلمى 1986 جىلى جارىق كورىپ، شىعىس جەكپە-جەگى مەن كومەديا جانرىن ۇيلەستىرگەن تۋىندى رەتىندە دجەكي چاندى الەمدىك دەڭگەيدەگى جۇلدىزعا اينالدىرعان ەدى.