بيىل داڭقتى بوكسشىنىڭ تۋعانىنا 45 جىل تولۋىنا وراي تۇركىستان مۋزىكالىق-دراما تەاترى كورەرمەنگە قۋات ەجەمبەكتىڭ «بەكزات» درامالىق قويىلىمىن تارتۋ ەتەدى.
كيەلى تۇركىستان توپىراعىندا دۇنيەگە كەلىپ، قازاق سپورتىنىڭ ايبىندى جۇلدىزىنا اينالعان، وليمپيادا چەمپيونى بەكزات ساتتارحانوۆتىڭ ءومىر جولى ساحنالانعان قويىلىم - تەاتردىڭ V-ماۋسىمىنىڭ العاشقى پرەمەراسى، - دەپ حابارلايدى Aqshamnews.kz.
قويىلىم يدەياسىنىڭ اۆتورى –اسىلحان تولەپوۆ. جوبا جەتەكشىسى -ايگەرىم بوزششينا. پەسانىڭ اۆتورى – قۋات ەجەمبەك. قويۋشى رەجيسسەرى – Carlo Sciaccaluga. جارىق بويىنشا سۋرەتشى – Gaetano La Mela. قويۋشى رەجيسسەرى —Carlo Sciaccaluga، ال رەجيسسەرى — Giorgia Coco. قويىلىم كومپوزيتورى – حاميت شانعالييەۆ.
بەكزاتتىڭ سپورت جولى العاش رەت باپكەرى نۇرلان جۇمابايەۆتىڭ قولىندا باستالدى. كەيىن ول ۇلتتىق قۇرامانىڭ تانىمال جاتتىقتىرۋشىلارى – الەكساندر اپاچينسكيي پەن تۇرسىنعالي ەدىلوۆتىڭ قولداۋىمەن حالىقارالىق ارەناعا جول اشتى. وليمپيادا قارساڭىندا ول ەلىمىزدىڭ ايگىلى سپورت ساڭلاقتارى – ەرماحان يبرايموۆ، بولات ءجۇمادىلوۆ، مۇحتارحان دىلدابەكوۆپەن جاقىن ارالاسىپ، ولاردىڭ تاجىريبەسىنەن تاعىلىم الدى.
قويىلىم تەك شارشى الاڭداعى جەڭىستەردى عانا ەمەس، سونىمەن بىرگە انانىڭ الاڭداعان جۇرەگىن، اكەنىڭ ۇكىلى ءۇمىتىن، العاشقى ماحابباتتىڭ ءمولدىر سەزىمىن، جارىستارداعى باسەكەلەستىكتى، جەڭىس پەن جەڭىلىستىڭ ءاششى-تاتتى ساتتەرىن دە ساحنادا شىنايى جەتكىزەدى. وسىلايشا، كورەرمەن بەكزاتتىڭ سپورتتىق بيىكتەرىن عانا ەمەس، ونىڭ ادامي بولمىسىن، نازىك سەزىمدەرىن، وتباسىلىق قۇندىلىقتارىن جانە ەل الدىنداعى جاۋاپكەرشىلىگىن دە تانىپ بىلەدى.
باستى رولدەردە وينايتىندار: قادىرجان تورەحانوۆ، دوسىمجان ارقابەكوۆ، اق-سۇلتان انۋاربەك، شەرحان سامات ۇلى، تەمىرلان ەركىنعالييەۆ، مۇزافار عالىمجان ۇلى، دانياس نۇرقابدەن، مەرەي قۇدايبەرگەنوۆ، دينار قالدىباي، تەمىر-سۇلتان مەيىربەك، ينابات ابىتحان، ايدا سەريكوۆا، اقبوپە سابەت، ايدانا اققالي، ۇلان ادىلبەك، سەمباي نۇرلا.
اتالعان قويىلىمنىڭ پرەمەراسى 2025 جىلدىڭ 9، 10، 11، 12 قازان، ساعات 19:00-گە جوسپارلانىپ وتىر.