الماتى قالاسىندا «بىرنەشە نوميناسيالار بويىنشا ءدىن سالاسىنىڭ وزەكتى ماسەلەلەرى تۋرالى ۇزدىك ماتەريالداردى (ماقالالار، روليكتەر جانە ت.ب.) دايىنداۋ بويىنشا شىعارماشىلىق بايقاۋىنا» قاتىستى ارنايى باسپا ءسوز كونفەرەنسيا ءوتتى.
بايقاۋدى ۇيىمداستىرۋداعى ماقسات – جۇرت نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ. بۇقارالىق اقپارات قۇرالدارى مەن الەۋمەتتىك جەلىلەر ارقىلى حالىقتى ءدىن سالاسىنداعى مەملەكەتتىك ساياساتتىڭ ماڭىزدى باعىتتارى مەن ەكسترەميستىك جانە راديكالدى ءدىني اعىمدار يدەولوگياسىنىڭ زياندىلىعىنان حاباردار ەتۋ. جۋرناليستەر مەن باق-تى، سونداي-اق ءدىن سالاسىنداعى وزەكتى ماسەلەلەر بويىنشا ماتەريالدار جاريالايتىن باسقا دا ازاماتتاردى قولداۋ.
بايقاۋ كەلەسى نوميناسيالار بويىنشا وتكىزىلەدى: «ۇزدىك پىكىر»، «الەۋمەتتىك جەلىلەردەگى ۇزدىك تاقىرىپتىق پوست»، «ۇزدىك موتيۆاسيالىق ءسوز جانە ۇندەۋ»، «ينتەرنەت-رەسۋرستا قازاق تىلىندەگى ۇزدىك ماقالا»، «ينتەرنەت-رەسۋرستا ورىس تىلىندەگى ۇزدىك ماقالا»، «ينستاگرام الەۋمەتتىك جەلىسىندەگى ۇزدىك بەينەروليك»، «تيكتوك الەۋمەتتىك جەلىسىندەگى ۇزدىك بەينەروليك».
اتالعان 7 نوميناسيا بويىنشا جالپى جۇلدە قورى 3 150 000 تەڭگەنى قۇرايدى.
اتالعان بايقاۋدى الماتى قالاسى ءدىن ىستەرى جونىندەگى باسقارماسىنىڭ تاپسىرىسى بويىنشا «جاۋحار» ۇلتتىق ءسالت-داستۇردى قولداۋ قورى» قوعامدىق قورى جاعىنان ۇيىمداستىرىلىپ جاتقانىن ايتا كەتەيىك. كونفەرەنسيا بارىسىندا بايقاۋدىڭ ۇيىمداستىرىلۋى مەن شارتتارى جايلى تولىققاندى اقپارات ايتىلدى.
– بۇل بايقاۋ ءار جىلى ءداستۇرلى تۇردە وتكىزىلىپ كەلەدى. وتىنىمدەر مەن ماتەريالدار وسى جىلدىڭ 1 قازانىنا دەيىن جولداساڭىز بولادى. بىزدەر ءوز تاراپىمىزدان بۇل بايقاۋدى قاتارىنان ءۇش مارتە ۇيىمداستىرىپ كەلەمىز، – دەدى «جاۋھار» قوعامدىق قورى ديرەكتورى نۇريسلام ورازالى ۇلى.