الماتىنىڭ اكىمشىلىك پوليسياسى موپەدتى تىركەۋ ناۋقانى باستالعالى بەرى مىڭنان استام موپەد قولدانۋشىسىنىڭ بۇل پروسەدۋرانى ورىنداعانىن حابارلادى.
ولار كولىك قۇرالىنىڭ تىركەۋ ءنومىرىن، تەحنيكالىق ءتولقۇجاتىن الدى جانە باسقا دا جول قوزعالىسى قاتىسۋشىلارى سياقتى زاڭدى جاۋاپكەرشىلىككە تارتىلادى، دەپ حابارلايدى aqshamnews.kz Polisia.kz-كە سىلتەمە جاساپ.
– سونىمەن قاتار موپەد جۇرگىزۋشىلەرىنىڭ ا1 جۇرگىزۋشى ساناتى بولۋى كەرەك ەكەنىن ەسكە سالامىز. وسى جىلدىڭ 5 ساۋىرىنەن باستاپ موپەدتەردى مەحانيكالىق كولىكتەرگە تەڭەستىرەتىن زاڭنامالىق تۇزەتۋلەر كۇشىنە ەنەدى. وسى كۇننەن باستاپ موپەدتەردى پوليسيادا تىركەلگەننەن كەيىن جانە ءتيىستى جۇرگىزۋشى كۋالىگى بولعاننان كەيىن عانا پايدالانۋعا رۇقسات ەتىلەدى، - دەدى الماتى قالالىق پد اكىمشىلىك پوليسيا باسقارماسى پروسەسسينگ ورتالىعىنىڭ باسشىسى ايدىن مەركىمبايەۆ.
وسى جىلدىڭ 5 ساۋىرىنەن كەيىن ۋاكىلەتتى ورگاندا تىركەۋدەن وتپەگەن جانە “ا1” ساناتتى جۇرگىزۋشى كۋالىگىنسىز موپەدتى باسقارعان موپەد جۇرگىزۋشىلەرى ق ر اقبتك-نىڭ 590-بابىنىڭ 2-بولىگى، 590-بابىنىڭ 2-1-بولىگى، 612-بابى جانە 797-بابى بويىنشا اكىمشىلىك جاۋاپكەرشىلىككە تارتىلاتىنىن جانە موپەد مامانداندىرىلعان ايىپپۇل تۇراعىنا قويىلاتىنىن ەسكە سالدى. جازا: 10 اەك، 20 اەك كولەمىندە ايىپپۇل سالۋ نەمەسە 1 جىل مەرزىمگە كولىك قۇرالدارىن باسقارۋ قۇقىعىنان ايىرۋ.