بىلتىر ەلىمىز دارى-دارمەكتى سيفرلىق تاڭبالاۋ ۇدەرىسىن اياقتادى.
ءسويتىپ ءونىمنىڭ وندىرىستەن ءدارىحاناعا دەيىنگى جولىن باقىلاۋعا مۇمكىندىك تۋدى. نارىقتا 530 ملن تاڭبالانعان ءدارى بار. ونىڭ 200 ملن-نان استامى ەلدە وندىرىلگەن، - دەپ حابارلايدى Aqshamnews.kz.
سونداي-اق بيىلدان باستاپ، كونترافاكتىلىك دارى-دارمەك ساتقان كاسىپكەر 20-دان 40 اەك-كە دەيىن ايىپپۇل ارقالايدى.
- تاڭبالانباعان، ونىڭ اراسىندا تاڭبالانعان دا بار، ءبىراق وتىرىك تاڭبالانعاندار. ونىڭ بارلىعى رەيد بارىسىندا جانە ءوزىمىزدىڭ تاڭبالاۋ قۇرالى ارقىلى وڭاي انىقتاي الامىز. ول ەندى تازا جۇمىس ىستەيتىن كاسىپكەرلەر ءۇشىن وتە پايدالى. سەبەبى نارىقتان كونترافاكتى تاۋاردى الىپ تاستاعاننان كەيىن تازا جاساعان كاسىپكەر ءوزىنىڭ تازا تاۋارىن سورەگە ەنگىزىپ، ءوزىنىڭ اينالىمىن كورسەتەدى،-دەيدى ق ر سيم سيفرلىق ترانسفورماسيالاۋ جانە تاۋارلاردى تاڭبالاۋ دەپارتامەنتى ديرەكتورىنىڭ ورىنباسارى اسەت وتەعالييەۆ.
قازاقستاندىقتاردى تەگىن دارىمەن قامتۋ جالعاسادى. بۇل ءۇشىن بيىل 567 ملرد تەڭگە ءبولىندى. 2 مىڭنان اسا پرەپارات اتاۋى مەن مەديسينالىق جابدىقتار ساتىپ الىنباق.