دارىگەر: ادامدار ىشىمدىك پەن تەمەكى شەگۋ ارقىلى وزىنە زيان كەلتىرەدى، ءبىراق زالالى جوق ەكپە سالۋدان قورقادى

بىرلەسكەن جاۋاپكەرشىلىك قاجەت.

ۆاكسينا دەنساۋلىققا زياندى ەمەس جانە اعزاعا كەرى اسەرىن تيگىزبەيدى. فتيزيوپۋلمونولوگيا ورتالىعىنىڭ ديرەكتورى جانار ساپييەۆا الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە ەكپە تۋرالى وسىلاي دەدى، دەپ حابارلايدى Almaty-akshamy.kz.

ۆاكسينالانعان جانە ۆاكسينالانباعان پاسيەنتتەردەگى اۋرۋدىڭ اعىمىن سالىستىرا وتىرىپ، دارىگەر ولاردىڭ كلينيكاسىنىڭ ايتارلىقتاي ەرەكشەلەنەتىنىن اتاپ ءوتتى. وكپە زاقىمدانۋىنىڭ بىردەي پايىزى بار ۆاكسينالانعانداردا ەمدەۋ تيىمدىلىگى كۆي-گە قارسى ۆاكسيناسىن قابىلداماعان ەمدەلۋشىلەرگە قاراعاندا الدەقايدا جوعارى. ينتەنسيۆتى تەراپياداعى ەمدەۋ ۇزاقتىعى تۋرالى دا ايتۋعا بولادى – ۆاكسينالانعان ناۋقاستاردا بۇل 10 كۇن، ۆاكسينالانباعان ناۋقاستاردا 20 كۇن نەمەسە ودان دا كوپ.

«ۆاكسينا ينفەكسيادان تولىق قۇتقارمايدى، ءبىراق پىشاق ينفەكسياسى كەزىندە ول ەمدەلۋدىڭ ۋاقىتى مەن ناتيجەسىمەن ەرەكشەلەنەدى. وكىنىشكە وراي، ءبىزدىڭ كوپتەگەن ازاماتتار ءالى دە ۆاكسينادان باس تارتادى. قالا تۇرعىندارىنىڭ بەلسەندىلىگى از. دۇنيەجۇزىلىك دەنساۋلىق ساقتاۋ ۇيىمىنىڭ ەپيدەميانىڭ باسىندا ايتقانىن ەسكە تۇسىرەيىك: "كۆي-مەن كۇرەستەگى تابىستىڭ 30%-ى دەنساۋلىق ساقتاۋ جۇيەسىنىڭ ارالاسۋىنا، قالعانى ادامداردىڭ وزىنە بايلانىستى. بىرلەسكەن جاۋاپكەرشىلىك قاجەت. ەگەر 1-2 ادامعا ەكپە قويىلسا، بۇل بىزگە مۇنداي اسەر بەرمەيدى، بىزگە كەم دەگەندە تارالۋدى ازايتۋ ءۇشىن ءۇجىمدىق يممۋنيتەت قاجەت»،- دەدى فتيزيوپۋلمونولوگيا ورتالىعىنىڭ ديرەكتورى.

جانار ساپييەۆانىڭ ايتۋىنشا، الەۋمەتتىك جەلىلەردە ۆاكسينانىڭ قاجەتى جوق جانە ودان ونىڭ پايداسى شامالى دەيتىن انتيۆاكسەرلەردىڭ پىكىرلەرى تەرىس، ال دارىگەرلەر مۇلدە باسقاشا ويلايدى.

 «بۇل اعزاعا ايتارلىقتاي ىقپال ەتۋ ەمەس. مەن كەيبىر جاستاردىڭ ىشىمدىكتى كوپ پايدالانىپ، تەمەكى شەگۋ ارقىلى وزىنە زيان كەلتىرەتىن بايقايمىن. ءبىراق ۆاكسينا تۋرالى ماسەلە تۋىنداعاندا، ولار ۇزاق ويلانادى. ۆاكسينانىڭ دەنساۋلىققا ەش زيانى جوق ەكەنىن ەرەكشە اتاپ وتپەكپىن، كەرىسىنشە، ول ءقاۋىپتى ينفەكسيانىڭ الدىن الۋدىڭ ەڭ  ءتيىمدى جولى ءارى دەنساۋلىقتىڭ قورعانى»، - دەدى دارىگەر.

ەسكە سالساق، الماتىدا وتكەن تاۋلىكتە ۆاكسينانىڭ ءبىرىنشى كومپونەنتى 7567 ادامعا، ەكىنشىسى 12768 ادامعا سالىندى.

01.02.2021 ج. مەن 02.08.2021 ج.ارالىعىندا بارلىق كەزەڭ بويىنشا بارلىعى 733 142 ادامعا ۆاكسينا جاسالدى. 60 جاستان اسقان ۆاكسينالانعانداردىڭ جالپى سانى 100 430 ادامدى قۇرايدى.

قالادا مەديسينالىق ۇيىمداردا، مەكتەپتەردە، مادەنيەت جانە سپورت نىساندارىندا، بازارلاردا جانە قالانىڭ سوسو-دا 167 ەكپە پۋنكتى بار (250 -گە دەيىن ۇلعايتۋ مۇمكىندىگىمەن). 1038 ادامنان تۇراتىن 234 ەكپە بريگاداسى جۇمىلدىرىلعان.