كوۆيد كەز كەلگەن جاعدايدا ءوز زاردابىن قالدىرادى.
ەكپە العان جانە ۆاكسينالانباعان پاسيەنتتەردە كۆي-دى ەمدەۋدىڭ ورتاشا ۇزاقتىعى جانە اۋرۋدان كەيىن وڭالتۋ ايتارلىقتاي ەرەكشەلەنەدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە قالالىق فتيزيوپۋلمونولوگيا ورتالىعىنىڭ ديرەكتورى جانار ساپييەۆا ايتتى، دەپ حابارلايدى Almaty-akshamy.kz.
«ءبىز كوروناۆيرۋسپەن ۇزاق ۋاقىت جۇمىس جاسادىق. ەگەر ناۋقاستىڭ وكپەسى 25-30%-عا دەيىن زاقىمدانسا، كەيىن فيبروتيكالىق وزگەرىستەرگە ۇشىراۋى مۇمكىن. سپايكالار بولۋى مۇمكىن، ءبىراق ولار تەز تۇزەلەدى. بۇل جاعدايدا وڭالتۋ ۇزاقتىعى 1 ايدان 2 ايعا دەيىن بولۋى مۇمكىن»، - دەدى جانار ساپييەۆا.
دارىگەردىڭ ايتۋىنشا، ەگەر ستاسيونارعا تۇسكەن كەزدە وكپەنىڭ زاقىمدانۋى كت-3، كت-4 دەڭگەيىندە، ياعني 30%-دان اسسا، وندا وكپە ءتىنىن ءماسسيۆتى دانەكەر تىنمەن الماستىرادى. برونحوەكتازيا مەن ادگەزيا پايدا بولادى. بۇل جاعدايدا وڭالتۋ ۇزاققا سوزىلادى.
«مۇنداي پاسيەنتتى وڭالتۋدى جەكە جۇرگىزۋ ماڭىزدى. دارىگەرلىك امبۋلاتورياعا، جاتتىعۋ تەراپيەۆتىنە بارۋ قاجەت، كۋرورتتىق ەم، فيزيوتەراپيالىق پروسەدۋرالاردان ءوتۋ كەرەك، ارينە، ديەتا، تاماقتانۋ، سالاۋاتتى ءومىر سالتى، تىنىس الۋ جاتتىعۋلارى – بۇل پوستكوۆيدتى پاسيەنتكە وتە قاجەت شارتتار. كوبىنەسە، ساۋىعۋدان كەيىن ناۋقاستار ازداپ ەنتىگەدى، ۇيقىشىلدىققا، ۇيقىنىڭ بۇزىلۋىنا شاعىمدانادى، دەپرەسسيا بولادى. كوۆيد كەز كەلگەن جاعدايدا ءوز زاردابىن قالدىرادى»، - دەدى جانار ساپييەۆا.
ەسكە سالساق، الماتىدا وتكەن تاۋلىكتە ۆاكسينانىڭ ءبىرىنشى كومپونەنتى 7567 ادامعا، ەكىنشىسى 12768 ادامعا سالىندى.
بارلىعى 733 142 ادامعا 01.02.2021 ج. مەن 02.08.2021 ج.ارالىعىندا بارلىق كەزەڭ بويىنشا ۆاكسينا جاسالدى. 60 جاستان اسقان ۆاكسينالانعانداردىڭ جالپى سانى 100 430 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەنيەت جانە سپورت نىساندارىندا، بازارلاردا جانە قالانىڭ سوسو-دا 167 ەكپە پۋنكتى بار (250-گە دەيىن ۇلعايتۋ مۇمكىندىگىمەن). 1038 ادامنان تۇراتىن 234 ەكپە بريگاداسى جۇمىلدىرىلعان.