اكتريسا داريعا بادىقوۆانىڭ بۇرىنعى جۇبايى دارحان مۇسايەۆ الەۋمەتتىك جەلىدەگى ستوريسىندە ءوز ءومىرىن شىعارماشىلىققا ارناۋعا شەشىم قابىلداعانىن مالىمدەدى، - دەپ حابارلايدى Aqshamnews.kz ءتىلشىسى.
ونىڭ ايتۋىنشا، ءقازىر ستۋديادا جۇمىس ءجۇرىپ جاتىر: ءان جازۋ، فيلم سەنارييىن قاراستىرۋ جانە بولاشاق جوسپارلاردى ناقتىلاۋ قولعا الىنعان.
"ءقازىر ستۋديادا ءان جازىپ جاتىرمىز، فيلم سەنارييىن قاراپ، الداعى جوسپارلاردى ايقىنداپ جاتىرمىز"، - دەپ جازدى ول.
دارحان مۇسايەۆ ءبىراز ۋاقىت الەۋمەتتىك جەلىدە كورىنبەي كەتكەنىن ايتىپ، قازىرگى جاعدايىنىڭ جاقسى ەكەنىن جەتكىزدى.
"مەنى ىزدەپ، ۋايىمداعاندار بولسا - شۇكىر، ءبارى جاقسى. اكەمنىڭ: “ومىردە سۇرىنسەڭ دە، قۇلاما، بالام” دەگەن ءسوزى ماعان ۇلكەن كۇش بەردى. سودان بەرى ءوزىمدى قولعا الىپ، سپورتپەن اينالىسا باستادىم. ءۇش ايدا 130 كيلوگرامنان 90 كيلوگرامعا دەيىن تومەندەدىم. تۇسىنگەنىم ەشبىر جەڭىس ەڭبەكسىز كەلمەيدى. قۇلاۋ وڭاي، قايتا تۇرۋ قيىن!" - دەدى ول.
ەسكە سالايىق، بۇعان دەيىن قازاقستاندىق اكتريسا داريعا بادىقوۆا اكتەر دارحان مۇسايەۆپەن اجىراسۋىنا قاتىستى العاش رەت پىكىر بىلدىرگەن بولاتىن. ەكس-جۇبايىنىڭ "ۋاقىت كورسەتەدى" باعدارلاماسىنداعى سۇحباتىنان كەيىن اكتريسا Instagram جەلىسىندە ءوز ويى مەن سەزىمدەرىن بولىسكەن ەدى.