"قازگيدرومەت" سينوپتيكتەرى 19، 20 جانە 21 شىلدەگە ارنالعان اۋا رايى بولجامىن ۇسىندى، - دەپ حابارلايدى aqshamnews.kz ءتىلشىسى.
قاي وڭىرلەردە جاڭبىر كۇتىلەدى؟
اپتانىڭ باسىندا اتموسفەرالىق فرونتال بولىكتەردىڭ وتۋىنە بايلانىستى قازاقستاننىڭ باسىم بولىگىندە جاڭبىر جاۋىپ، نايزاعاي وينايدى. 19 شىلدەدە - سولتۇستىكتە جانە ورتالىقتا، ال 20 شىلدەدە - ەلدىڭ شىعىسىندا قاتتى جاڭبىر، بۇرشاق جانە داۋىل كۇتىلەدى.
اپتانىڭ اياعىنا قاراي ەل اۋماعىنا سولتۇستىك-باتىستان انتيسيكلون كەلەدى. سونىڭ اسەرىنەن جاۋىن-شاشىن بىرتىندەپ توقتاپ، اۋا تەمپەراتۋراسى تومەندەيدى. رەسپۋبليكانىڭ كوپ بولىگىندە جەل كۇشەيەدى، ال وڭتۇستىكتە جانە وڭتۇستىك-باتىستا قۇمدى داۋىل سوعۋى مۇمكىن. تۇنگى جانە تاڭعى ۋاقىتتا سولتۇستىك-باتىس پەن سولتۇستىكتە تۇمان كۇتىلەدى.
اۋا تەمپەراتۋراسى 43 گرادۋسقا دەيىن جەتەدى
باتىس جانە وڭتۇستىك-باتىس ايماقتاردا الداعى كۇندەرى قاتتى ىستىق ساقتالادى - اۋا تەمپەراتۋراسى 43 گرادۋسقا دەيىن جەتەدى. سولتۇستىك-باتىس پەن شىعىستا - 40 گرادۋس، ال وڭتۇستىك-شىعىستا - 42 گرادۋسقا دەيىن كوتەرىلەدى.