باتىس قازاقستان وبلىسىندا بەس ادام، ونىڭ ىشىندە پوليسەي جول اپاتىنان قازا تاپتى.
بۇل تۋرالى «ۋرالسكايا نەدەليا» باسىلىمى مالىمدەدى.
جول-كولىك وقيعاسى 24 تامىز كۇنى ساعات 7.00 شاماسىندا جالپاقتال كەنتىنىڭ ماڭىنداعى كازتالوۆكا-ورال تاس جولىندا بولدى. اۆتوكولىك جول بويىندا تۇرعان ءشوپ تيەلگەن جۇك كولىگىمەن سوقتىعىسقان.
اۆتوكولىكتە بەس ادام بولعان. تورتەۋى وقيعا ورنىندا قازا بولدى، ال بەسىنشىسى كەيىنىرەك اۋرۋحانادا قايتىس بولدى.
قازا تاپقانداردىڭ ءبىرى – كازتالوۆ پوليسيا ءبولىمىنىڭ ءبىرىنشى ورىنباسارى، پوليسيا مايورى مارلەن قارابايەۆ ەكەنى انىقتالدى. ونىمەن بىرگە جۇبايى قايتىس بولدى. ولاردىڭ بەس بالاسى قالدى.
اتالمىش باسىلىمنىڭ مالىمەتىنشە، قايتىس بولعانداردىڭ بارلىعى سىنىپتاس بولعان. قازا بولعاندار اراسىنداعى تاعى ءبىر ەرلى-زايىپتىنىڭ جەتى بالاسى بار.