32363 اسكەري ءبولىمىنىڭ اسكەري قىزمەتشىلەرى كوپبالالى وتباسىلارعا، ەرەكشە ءبىلىم بەرۋ قاجەتتىلىكتەرى بار بالالاردى تاربيەلەپ وتىرعان اتا-انالارعا، جەسىرلەرگە جانە جالعىزباستى انالارعا مەكتەپ وقۋشىلارىن جاڭا وقۋ جىلىنا دايىنداۋعا كومەكتەستى.
ءبولىمنىڭ جەكە قۇرامى 15 وقۋشىعا مەكتەپ سومكەلەرىن الىپ، ءىشىن قاجەتتى كەڭسە زاتتارىمەن تولتىردى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
– ءبولىمنىڭ باسشىلىعىنا جانە 35ء-شى جەكە گۆارديالىق دەسانتتىق-شابۋىلداۋ بريگاداسىنىڭ بارلىق جەكە قۇرامىنا كورسەتكەن ىقىلاسى مەن قامقورلىعى ءۇشىن العىسىمدى بىلدىرگىم كەلەدى، – دەدى 32363 اسكەري ءبولىمى اسكەري قىزمەتشىلەرىنىڭ وتباسى مۇشەلەرىمەن جۇمىستى ۇيىمداستىرۋ قىزمەتىنىڭ باسشىسى شىنار احمەتوۆا. – سىيلىق سومكەلەرىندە وقۋشىعا قاجەت نارسەنىڭ ءبارى: داپتەرلەر، البومدار، كۇندەلىكتەر، قالامدار، قارىنداشتار، بوياۋلار جانە پلاستيليندەر بار.
جىل سايىن دەسانتشى جاۋىنگەرلەر «مەكتەپكە جول» قايىرىمدىلىق اكسياسىنا قاتىسۋدى جاقسى داستۇرگە اينالدىرعان. وسىلايشا، اسكەري قىزمەتشىلەر قيىندىققا تاپ بولعان ادامدارعا قول ۇشىن بەرەدى. مۇقتاج ادامدارعا ماتەريالدىق جانە مورالدىق قولداۋ كورسەتۋ ولارعا سەنىمدى نىعايتىپ، دوستىقتى دارىپتەۋگە مۇمكىندىك بەرەدى.