الماتىلىق وقۋشىلار روبوتوتەحنيكا سالاسىندا حالىقارالىق دەڭگەيدە ۇلكەن جەتىستىكتەرگە جەتۋدە
الماتىدا روبوتوتەحنيكا سالاسى قارقىندى دامۋدا، بۇل ءوز كەزەگىندە ايتارلىقتاي ناتيجەلەرگە اكەلىپ وتىر. الماتىلىق وقۋشىلاردىڭ وسى سالاداعى سوڭعى جەتىستىكتەرى تۋرالى جاڭالىقتار وڭىرلىك كوممۋنيكاسيالار قىزمەتىنىڭ بريفينگىندە ايتىلدى، دەپ حابارلايدى aqshamnews.kz
الماتى قالاسى جاستار ساياساتى باسقارماسىنىڭ باسشىلىعىمەن 100-دەن استام دەمالىس ورتالىقتارى جۇمىس ىستەيدى، ولاردىڭ تاربيەلەنۋشىلەرى رەسپۋبليكالىق جانە حالىقارالىق جارىستاردا ۇنەمى جۇلدەلى ورىنداردى يەلەنىپ كەلەدى. تەك وتكەن ايدا عانا الماتىدان 100-دەن استام وقۋشى روبوتوتەحنيكا جارىستارىنا قاتىسىپ، ونىڭ ىشىندە 24 اقش-تا وتكەن حالىقارالىق چەمپيوناتتا باس بايگەگە يە بولدى.
وقۋشىلاردىڭ جەتىستىكتەرى تۋرالى Robotics & Artificial Intelligence (RAI) دەمالىس ورتالىعىنىڭ ديرەكتورى بەكزات امانوۆ تولىعىراق مالىمەت بەردى.
«كاليفورنيا شتاتىنىڭ لوس-اندجەلەس قالاسىندا وتكەن «Robo Tourney International Championship 2024» حالىقارالىق چەمپيوناتىندا ءبىزدىڭ تاربيەلەنۋشىل ۇزدىك ناتيجە كورسەتتى. جارىسقا الەمنىڭ تۇكپىر-تۇكپىرىنەن 200-دەن استام تالانتتى وقۋشىلار قاتىستى. ءبىزدىڭ كوماندالار جوعارى دايىندىق دەڭگەيىن كورسەتىپ، حالىقارالىق ارەنادا باسەكەگە قابىلەتتى ەكەنىن دالەلدەدى»، - دەپ ءبولىستى ول.
كوماندا قۇرامىنداعى ەكى وقۋشى، دەمەۋگالييەۆا ميرا مەن اسىلحانۋلى سەرىمجان ماۋسىمارالىق «Dedication Award» جۇلدەسىنىڭ جەڭىمپازدارى اتاندى. بەكزات امانوۆ، ەرنار جولداسوۆ، سەرىك تولەنوۆ جانە بىرلىك ساگيتجانوۆ جاتتىقتىرۋشىلار اراسىندا «Coach/Mentor Award» نوميناسياسىنىڭ جەڭىمپازدارى اتاندى.
«ەكى قازاقستاندىق كوماندانىڭ جەتىستىكتەرى ولاردىڭ حالىقارالىق ارەنادا باسەكەگە قابىلەتتى ەكەنىن كورسەتەدى. دەمالىس ورتالىعىنىڭ تاربيەلەنۋشىلەرى جارىستىڭ ەكى كۇنىندە دە ءوز ونەرلەرىمەن كوشباسشىلار قاتارىندا بولدى. كوماندالار قازاقستان رەسپۋبليكاسى وقۋ-اعارتۋ مينيسترلىگىنىڭ قولداۋىمەن Ustem Foundation قوعامدىق قورى مەن "دارىن" رعپو ۇيىمداستىرعان Central Asia FIRST Championship ورتالىق ازيا چەمپيوناتى بارىسىندا الەم چەمپيوناتىنا جولداما الدى. چەمپيوناتتاعى جەڭىس ءبىزدىڭ تاربيەلەنۋشىلەرگە الەمدىك جوعارى وقۋ ورىندارىنداعى گرانتتارعا قول جەتكىزۋگە مۇمكىندىك بەرەدى»، - دەپ قوستى ب. امانوۆ.
124-كوماندانىڭ كاپيتانى ميرا دەمەۋگالييەۆا دا بەدەلدى حالىقارالىق جارىستارعا قاتىسۋ تاجىريبەسىمەن ءبولىستى.
«مەنىڭ روبوتوتەحنيكا سالاسىنداعى جولىم FIRST Global Challenge (FGC) جارىسىنا قاتىسۋدان باستالدى. بۇل تاجىريبە ماعان كوماندا كاپيتانى بولىپ، ليدەرلىك قاسيەتتەرىمدى دامىتۋعا شابىت بەردى. مەن باعدارلامالاۋ، 3D-مودەلدەۋدى ۇيرەنىپ، روبوتوتەحنيكا سالاسىنداعى ءبىلىمىمدى تەرەڭدەتتىم»، - دەپ اتاپ ءوتتى ول.
بريفينگكە قاتىسقان جاستار ساياساتى باسقارماسىنىڭ جاستاردى الەۋمەتتەندىرۋ جانە جاستار باستاماسىن قولداۋ ءبولىمىنىڭ باسشىسى نۇرسۇلتان بەكقايىروۆ دەمالىس ورتالىقتارى جاستاردىڭ تالانتتارىن دامىتىپ،ولاردىڭ الەۋمەتتىك بەيىمدەلۋىنە ۇلكەن مۇمكىندىك بەرەتىنىن اتاپ ءوتتى.
«دەمالىس ورتالىقتارىنىڭ جۇمىسى قالامىزدىڭ جاستارى ءۇشىن تۇرعىلىقتى مەكەنجايى بويىنشا ءارتۇرلى ۇيىرمەلەر مەن كۋرستاردى ۇيىمداستىرۋ ارقىلى جۇزەگە اسىرىلادى. مۇندا بارلىق قىزمەت ءتۇرى تەگىن. ورتالىققا نەگىزگى كەلۋشىلەر 14 پەن 18 جاس ارالىعىنداعى جاستار. اتالمىش ورتالىقتار بۇگىندە قالامىزدىڭ 12 مىڭنان استام جاستارىن قىمتىپ وتىر، ونىڭ ىشىندە حالىقتىڭ الەۋمەتتىك وسال توپتارىنداعى جاستارى دا بار»، - دەپ مالىمدەدى ول.
2024 جىلى دەمالىس ورتالىقتارىنىڭ جۇمىسىن جاڭارتۋ جۇمىستارى جالعاسۋدا. ولاردىڭ قىزمەتى اۋداندار بويىنشا ورتالىقتاندىرىلعان. جاستار ءۇشىن وزەكتى دەگەن قوسىمشا ۇيىرمەلەر مەن كۋرستار اشىلدى، ورتالىقتاردىڭ ىشكى جانە سىرتقى ديزاينى مەن جابدىقتالۋى بويىنشا جۇمىستار جۇرگىزىلىپ، ءاربىر دو-دا تەگىن قازاق ءتىلى كۋرستارى اشىلدى.