قازاقستاننىڭ 14 وبلىسىندا 22 قاڭتار كۇنى اۋا رايىنىڭ قولايسىزدىعىنا بايلانىستى داۋىلدى ەسكەرتۋ جاريالاندى، دەپ حابارلايدى Aqshamnews.kz ءتىلشىسى.
سينوپتيكتەردىڭ مالىمەتىنشە، ءبىرقاتار وڭىردە قار جاۋىپ، بۇرقاسىن سوعادى، تۇمان ءتۇسىپ، جولداردا كوكتايعاق قالىپتاسادى.
اتىراۋ وبلىسىندا قار جاۋىپ، سولتۇستىك جانە شىعىس اۋدانداردا جاياۋ بۇرقاسىن كۇتىلەدى. باتىسى مەن وڭتۇستىگىندە تۇمان ءتۇسىپ، كوكتايعاق بولادى. اتىراۋ قالاسىندا تۇنگى جانە تاڭعى ۋاقىتتا تۇمان مەن مۇزتايعاق ساقتالادى.
پاۆلودار وبلىسىنىڭ باتىسى، وڭتۇستىگى مەن شىعىسىندا قار جاۋىپ، بوران سوعادى. سولتۇستىگىندە تۇندە جانە تاڭەرتەڭ تۇمان كۇتىلەدى. سولتۇستىك-شىعىستان سوققان جەلدىڭ ەكپىنى 15–20 م/س-قا دەيىن جەتۋى مۇمكىن. پاۆلودار قالاسىندا دا تاڭەرتەڭ تۇمان ءتۇسۋى ىقتيمال.
تۇركىستان وبلىسىنىڭ وڭتۇستىگى مەن تاۋلى ايماقتارىندا جاڭبىر ارالاس قار جاۋىپ، بۇرقاسىن مەن كوكتايعاق بولادى. كەي جەرلەردە تۇمان تۇسەدى. جەلدىڭ ەكپىنى 23–28 م/س-قا دەيىن كۇشەيۋى مۇمكىن. شىمكەنت پەن تۇركىستان قالالارىندا دا قولايسىز اۋا رايى ساقتالادى.
ماڭعىستاۋ وبلىسىنىڭ باتىسى، سولتۇستىگى جانە ورتالىق بولىگىندە تۇمان ءتۇسىپ، جولدار كوكتايعاق بولادى.
22–24 قاڭتار ارالىعىندا الماتى وبلىسىنىڭ سولتۇستىگى، وڭتۇستىگى جانە تاۋلى اۋداندارىندا تۇمان ءتۇسىپ، جولداردا مۇز قاتۋى مۇمكىن. جەلدىڭ جىلدامدىعى 15–20 م/س-قا دەيىن جەتەدى. الماتى قالاسى مەن قونايەۆتا دا تۇمان مەن كوكتايعاق كۇتىلەدى.
قىزىلوردا وبلىسىنىڭ شىعىسى مەن وڭتۇستىگىندە جولدار تايعاق بولادى. سولتۇستىك، وڭتۇستىك جانە ورتالىق بولىگىندە تۇمان تۇسەدى. قىزىلوردا قالاسىندا كۇندىز كوكتايعاق بايقالادى.
اباي وبلىسىنىڭ باتىسى مەن سولتۇستىگىندە تۇمان كۇتىلەدى. اياگوز اۋدانىندا جەلدىڭ ەكپىنى 15–20 م/س-قا دەيىن كۇشەيۋى مۇمكىن.
شىعىس قازاقستان وبلىسىنىڭ سولتۇستىگى مەن شىعىسىندا تۇمان تۇسەدى.
ۇلىتاۋ وبلىسىندا ازداپ قار جاۋىپ، بۇرقاسىن سوعادى. جەزقازعان قالاسىندا كەي ۋاقىتتاردا تۇمان بايقالادى.
قاراعاندى وبلىسىنىڭ باتىسى مەن سولتۇستىگىندە قار جاۋىپ، بوران سوعادى. كەيبىر اۋدانداردا تۇمان كۇتىلەدى.
جامبىل وبلىسىنىڭ باتىسى مەن وڭتۇستىگىندە قار جاۋىپ، تۇمان مەن كوكتايعاق بولادى. جەلدىڭ ەكپىنى كەي جەرلەردە 28 م/س-قا دەيىن جەتۋى مۇمكىن. تاراز قالاسىندا دا قار جاۋىپ، بۇرقاسىن سوعادى دەپ بولجانۋدا.
اقمولا وبلىسىندا ازداپ قار جاۋىپ، بۇرقاسىن بولادى.
جەتىسۋ وبلىسىنىڭ شىعىسى مەن تاۋلى ايماقتارىندا تۇمان ءتۇسىپ، جولداردا كوكتايعاق قالىپتاسادى. الاكول اۋدانىندا جەلدىڭ ەكپىنى 28 م/س-قا دەيىن كۇشەيۋى مۇمكىن.
باتىس قازاقستان وبلىسىندا تۇمان ءتۇسىپ، كوكتايعاق بولادى. ورال قالاسىندا دا وسىنداي اۋا رايى ساقتالادى.
ماماندار تۇرعىنداردى الىس جولعا شىققاندا ساق بولۋعا جانە اۋا رايىنىڭ قولايسىزدىعىن ەسكەرىپ، قاۋىپسىزدىك شارالارىن قاتاڭ ساقتاۋعا شاقىرادى.