ءماجىلىس دەپۋتاتى ەلنۇر بەيسەنبايەۆ الەۋمەتتىك جەلىلەر ارقىلى زاڭسىز لوتەرەيا ۇيىمداستىرىپ، ميللياردتاعان قارجى جيناعان پسيەۆدوبلوگەرلەردىڭ ارەكەتتەرىنە توقتاۋ سالۋدى سۇرادى. ول دەپۋتاتتىق ساۋالىن ماجىلىستە پرەمەر-مينيستر ولجاس بەكتەنوۆكە جولدادى، - دەپ حابارلايدى اqshamnews.kz ءتىلشىسى.
دەپۋتاتتىڭ ايتۋىنشا، حالىقتى الداپ، زاڭسىز جولمەن بايلىققا جەتىپ جۇرگەن بلوگەرلەردىڭ ارەكەتى - قوعام ءۇشىن ۇلكەن قاتەر. 2024 جىلى زاڭسىز لوتەرەيا ۇيىمداستىرعان 101 ادامعا 41 ملن تەڭگە ايىپپۇل سالىنسا، 2025 جىلدىڭ باسىنان بەرى تاعى 79 ادام اكىمشىلىك جاۋاپكەرشىلىككە تارتىلىپ، 33،1 ملن تەڭگە ايىپپۇل وندىرىلگەن.
بەيسەنبايەۆتىڭ ايتۋىنشا، كەيبىر ينفليۋەنسەرلەر ۋاقىتشا كومپانيالار قۇرىپ، پايداسىز ۆيدەوكۋرستار ساتۋ دەگەن سىلتاۋمەن زاڭسىز ۇتىستار ۇيىمداستىرۋدى ادەتكە اينالدىرعان. ولار حالىقتى تارتۋ ءۇشىن پاتەر، اۆتوكولىك، سمارتفون، ءتىپتى ءزاۋلىم كوتتەدجدەر تىگەدى. مىسالى، وقىرماندارى 3 ميلليونعا جۋىق دارحان جولشىبەكوۆ Instagram ارقىلى 300 ميلليون تەڭگە تۇراتىن ۇيگە ۇتىس ويناتىپ، شامامەن 1،5 ملرد تەڭگە جيناعان. سونداي-اق، «supermamasita» اككاۋنتىنىڭ يەسى ءاليا بايتۋعايەۆا بىرنەشە رەت باعالى سىيلىق ويناتىپ، 500 ميلليون تەڭگە قارجى تاپقان. ال «Justking31» جانە «AminaXO» اككاۋنتتارىنىڭ يەلەرى 1،5 ملرد تەڭگەگە جۋىق قاراجات جيناعان.
دەپۋتات جالعان بلوگەرلەردىڭ قۋلىعىن اشكەرەلەي وتىرىپ، استانادا ەربولات جانابىلوۆتىڭ ءىسى قارالىپ جاتقانىن دا ەسكە سالدى. ول «وقۋ كۋرستارىن» ساتۋ ارقىلى 10 اۆتوكولىك پەن وزگە دە سىيلىقتارعا ۇتىس ۇيىمداستىرىپ، 180 ملن تەڭگە تاپقان.
سونىمەن قاتار، بەيسەنبايەۆ ۋاكىلەتتى ورگانداردىڭ مۇنداي الاياقتاردىڭ ناقتى تابىسىن ەسەپتەي الماي وتىرعانىن، سونىڭ سالدارىنان زاڭسىز جولمەن الىنعان قارجىنى تاركىلەۋ مۇمكىن بولماي جاتقانىن سىنعا الدى.
وسىعان بايلانىستى دەپۋتات مىناداي ۇسىنىستارىن جەتكىزدى:
- قىلمىستىق جاۋاپكەرشىلىككە تارتۋ ءۇشىن كىرىس كولەمىنىڭ شەگىن تومەندەتۋ،
- زاڭسىز لوتەرەيادان تۇسكەن قارجى كولەمىن اشىق جاريالاۋ،
- ونلاين-مەكتەپتەردىڭ قىزمەتىن بارىنشا اشىق ەتۋ،
- سونداي-اق مەملەكەتتىك كىرىستەر كوميتەتىنىڭ بلوگەرلەر تابىسى تۋرالى مالىمەتتى قۇزىرلى مينيسترلىككە بەرۋدى مىندەتتەۋ.