ءماجىلىس دەپۋتاتتارىنىڭ باستاماسىمەن ازىرلەنگەن مادەنيەت، ءبىلىم بەرۋ، وتباسى جانە مەملەكەتتىك باقىلاۋ ماسەلەلەرى جونىندەگى زاڭ جوباسىنا وزگەرىستەر مەن تولىقتىرۋلار ەكىنشى وقىلىمدا قابىلداندى.
اتالعان زاڭ جوباسى 2025 جىلعى 26 اقپاندا ءبىرىنشى وقىلىمنان وتكەن بولاتىن، - دەپ حابارلايدى Aqshamnews.kz.
جاڭا زاڭ نورمالارىنا سايكەس، حالىقارالىق عىلىمي جوبا بايقاۋلارىندا جۇلدەلى ورىن العان مەكتەپ وقۋشىلارىنا ءبىر رەتتىك اقشالاي تولەماقى بەرىلەدى. سونىمەن قاتار، وسى وقۋشىلاردى دايىنداعان پەداگوگتەرگە دە قارجىلاي وتەماقى قاراستىرىلعان.
بۇل باستاما ەلىمىزدىڭ ءبىلىم سالاسىنداعى دارىندى بالالار مەن ولاردىڭ تالىمگەرلەرىن ىنتالاندىرۋعا باعىتتالعان.
الەۋمەتتىك جەڭىلدىكتەر دە قاراستىرىلعان
سونىمەن قاتار، زاڭ جوباسىندا مۇگەدەك بالانى تاربيەلەپ وتىرعان نەمەسە ءى توپتاعى مۇگەدەك ادامدى كۇتەتىن جوعارى وقۋ ورنى تۇلەكتەرىن مەملەكەتتىك ءبىلىم بەرۋ گرانتىن وتەۋدەن بوساتۋ ۇسىنىلادى.
سونداي-اق، شەتەلدىك جوو-لاردا رەزيدەنتۋرا، ماگيستراتۋرا، اسپيرانتۋرا نەمەسە دوكتورانتۋرادا وقىعان ازاماتتارعا گرانتتى وتەۋ مەرزىمىن كەيىنگە شەگەرۋ مۇمكىندىگى بەرىلەدى. بۇل – ءبىلىم الۋشىلاردىڭ الەۋمەتتىك جاعدايىن ەسكەرە وتىرىپ قابىلدانىپ وتىرعان قولداۋ شاراسى.
جاڭا تۇزەتۋلەر ەلىمىزدەگى ءبىلىم بەرۋ جۇيەسىن دامىتۋعا، دارىندى جاستاردى قولداۋعا جانە الەۋمەتتىك ادىلەتتىلىكتى ارتتىرۋعا باعىتتالعان.