بيىلعى قۇرىلىس ماۋسىمى اياسىندا ءبىرقاتار جولدىڭ قۇرىلىسى باستالادى

مەملەكەت باسشىسىنىڭ تاپسىرماسىنا سايكەس بيىلعى قۇرىلىس ماۋسىمى اياسىندا 13 مىڭ شاقىرىم جول قامتىلادى.

«قاراعاندى – جەزقازعان»، «اقتوبە – ۇلعايسىن»، «اتىراۋ-دوسسور»، سارىاعاش، پەتروپاۆل، قىزىلوردا جانە رۋدنىي قالالارىنىڭ اينالما جولدارىنىڭ قۇرىلىسى جۇزەگە اسادى، دەپ حابارلايدى aqshamnews.kz. 

قۇرىلىسى وسى كەزگە دەيىن باستالعان جالپى ۇزىندىعى 2 مىڭ شاقىرىمنان اساتىن "قالباتاۋ – مايقاپشاعاي"، "كۇرتى – قونايەۆ"، "قىزىلوردا– جەزقازعان" جانە "ۇزىناعاش – وتار" جولدارىنىڭ رەكونسترۋكسياسى جالعاسادى.

ەل تۇرعىندارى ءجيى قولداناتىن وبلىسارالىق جانە اۋدانارالىق جولداردى ورتاشا جوندەۋ باعدارلاماسىنىڭ ماڭىزى زور. 7 مىڭ شاقىرىم جول ورتاشا جوندەۋ جۇمىستارىمەن قامتىلدى. ولاردىڭ قاتارىندا "جەزقازعان – پەتروپاۆل"، "مۇقىر – قۇلسارى"، "قاندىاعاش – ەمبى -ىرعىز"، "قوستاناي – قارابۇتاق"، "وسكەمەن – شەمونايحا"، "وسكەمەن-راحمان كىلتتەرى"، "ورال –اتىراۋ" جولدارى بار. بۇل جۇمىس بىرنەشە جىل قاتارىنان جوندەۋ كورمەگەن جولداردىڭ جاي-كۇيىن ەداۋىر جاقسارتۋعا مۇمكىندىك بەرەدى.

قوسىمشا جەرگىلىكتى ماڭىزداعى 4 مىڭ شاقىرىمعا جۋىق جول جوندەۋ جۇمىستارىمەن قامتىلادى.