الماتىدا بيىل 800 ەكولوگيالىق اۆتوبۋس ساتىپ الىنادى
قالادا ءتيىمدى كولىك قوزعالىسىن باسقارۋ ماقساتىندا الماتى اكىمدىگى مەن قىتايدىڭ Inspur مەملەكەتتىك كومپانياسى 2025 جىلى ساۋىردە الماتىنىڭ زياتكەرلىك كولىك جۇيەسى (ITS) تۇجىرىمداماسىن ازىرلەدى. بۇل تۋرالى قالا اكىمىنىڭ 2025 جىلى 1-30 ءساۋىر ارالىعىنداعى پرەزيدەنتكە بەرگەن ەسەبىندە ايتىلعان، دەپ حابارلايدى Aqshamnews.kz
جوبا بويىنشا كەلىسىمشارت 2025 جىلى 20 مامىرعا دەيىن جاسالىپ، جۇيە 2026 جىلدىڭ تامىزىنا دەيىن ىسكە قوسىلادى.
سونداي-اق 2025 جىلدىڭ سوڭىنا دەيىن قالالىق قوعامدىق كولىكتى 100% ەكولوگيالى ەتۋ كوزدەلگەن. بيىل 29 ساۋىردە 600 گازبەن جۇرەتىن جانە 200 ەلەكتر اۆتوبۋستى ساتىپ الۋعا بايقاۋ جاريالاندى. جەكە تاسىمالداۋشىلار ءوز تاراپىنان 800 گازبەن جۇرەتىن جانە 118 ەلەكتر اۆتوبۋستى ساتىپ الۋدى جوسپارلاپ وتىر.
ەلەكتر كولىگى ينفراقۇرىلىمىن دامىتۋ ماقساتىندا 2025 جىلى اقپاننان باستاپ 6 ينۆەستورعا 233 ەلەكتر زاريادتاۋ ستانسياسىن ورناتۋعا تەحنيكالىق شارتتار بەرىلدى.
سونىمەن قاتار، «جاسىل» وبليگاسيالار ەسەبىنەن 100 ەلەكتروبۋس ساتىپ الىپ، 10 تروللەيبۋس قوسالقى ستانسياسىن جاڭعىرتۋعا قۇجاتتار دايىندالدى.
بۇعان دەيىن حابارلانعانداي، الماتى اكىمدىگى 2025 جىلى العاش رەت «جاسىل» وبليگاسيالاردى ەلەكتروبۋس ساتىپ الۋعا عانا ەمەس، سونداي-اق، جەلتوقسان كوشەسىندەگى BRT جەلىسىنىڭ قۇرىلىسىن جالعاستىرۋعا باعىتتاماق.