ءتورت ايدىڭ قورىتىندىسى بويىنشا ءجىو ءوسىمى 6 پايىزعا جەتتى.
ەكونوميكا مينيسترلىگى مالىمەتىنشە، كولىك (22،4 پايىز)، ساۋدا (7 پايىز) سەكىلدى سالالاردا دامۋ قارقىنى ارتقانى بايقالادى. ءوسىم اۋىل شارۋاشىلىعى (3،9 پايىز) جانە بايلانىس (2،6 پايىز) سالالارىندا دا تىركەلگەن، - دەپ حابارلايدى aqshamnews.kz
كولىك سالاسىنداعى ءوسىم تەمىر جول جانە قۇبىر كولىگىمەن جۇكتەردى تاسىمالداۋ جونىندەگى قىزمەتتەر كولەمى ۇلعايۋى ەسەبىنەن قامتاماسىز ەتىلدى. جوعارى ديناميكا مىنا وڭىرلەردى تىركەلدى:
تۇركىستان (21،8 پايىز)،
جامبىل (11،2 پايىز)،
اباي (14،9 پايىز) وبلىستارى.
قۇرىلىس سالاسىندا ناقتى جۇمىس كولەمىنىڭ يندەكسى 16،2 پايىز بولدى.
ساۋدا سالاسى ءبىرىنشى توقسانداعى 6،3 پايىزعا قاراعاندا 7 پايىز تۇراقتى ءوسىم كورسەتتى. كوتەرمە ساۋدا كورسەتكىشى 7،4 پايىزعا، بولشەك ساۋدا كورسەتكىشى 6،1 پايىزعا دەيىن ءوستى. ءبىرقاتار ءوڭىر:
تۇركىستان وبلىسى - جەمىستەردى، كوكونىستەردى، فارماسيەۆتيكالىق تاۋارلاردى ساتاتىن كاسىپورىندار ەسەبىنەن 60،4 پايىز؛
اقمولا وبلىسى - استىقتى، تۇقىمداردى جانە مال ازىعىن ساتاتىن كاسىپورىنداردىڭ ارقاسىندا 44 پايىز؛
شىمكەنت - ديزەل وتىنىن، فارماسيەۆتيكالىق تاۋارلاردى، قارا جانە ءتۇستى مەتالداردىڭ سىنىقتارى مەن قالدىقتاردى ساتاتىن كاسىپورىندار ەسەبىنەن 19،8 پايىزعا جوعارى ءوسىم كورسەتكەن.
ونەركاسىپتە ءوندىرىس يندەكسى 6،4 پايىزعا جەتتى. ءوسىم تاۋ-كەن سەكتورىندا بايقالدى: 7،1 پايىز، سونىڭ ىشىندە كومىر ءوندىرۋدى ۇلعايتۋ ەسەبىنەن (11،2 پايىز) ارتىپ وتىر.
وڭدەۋ ونەركاسىبىندە كورسەتكىش - 7،2 پايىز، ونىڭ ىشىندە تاماق ونىمدەرىن وڭدەۋ (12 پايىز)، تەمەكى ونىمدەرىن (26،3 پايىز)، حيميالىق ونىمدەردى ءوندىرۋ (11،2 پايىز) جانە ماشينا جاساۋ (11،2 پايىز) بار.
اۋىل شارۋاشىلىعى وڭ ديناميكا كورسەتىپ وتىر. جالپى ءونىم يندەكسى ءقاڭتار-ساۋىر ايلارىندا 3،9 پايىز بولعان.