مەملەكەتتىك قىزمەتشىلەر بۇرىنعى لاۋازىمدا تەرىس قىلىق جاساعانى ءۇشىن جازالاناتىن بولادى.
پرەزيدەنت قاسىم-جومارت توقايەۆ مەملەكەتتىك قىزمەتشىلەرگە تارتىپتىك جازا قولدانۋ قاعيدالارىنا وزگەرىستەر مەن تولىقتىرۋلار ەنگىزۋ تۋرالى جارلىققا قول قويدى، - دەپ حابارلايدى aqshamnews.kz
قۇجات نورماتيۆتىك قۇقىقتىق اكتىلەردىڭ رەسمي سايتىندا جاريالاندى. وزگەرىستەر ساياسي جانە اكىمشىلىك مەملەكەتتىك قىزمەتشىلەرگە قاتىستى. ەندى ولار بۇرىن اتقارعان لاۋازىمدارىندا جاساعان ءتارتىپ بۇزۋشىلىقتارى ءۇشىن دە جاۋاپكەرشىلىككە تارتىلۋى مۇمكىن، ءتىپتى قازىرگى ۋاقىتتا باسقا قىزمەتتە بولسا دا.
ەگەر الدىڭعى مەملەكەتتىك لاۋازىم مەملەكەتتىك ساياسي لاۋازىم بولىپ تابىلسا، وندا تارتىپتىك جاۋاپتىلىق ماسەلەسىن قاراۋدى مەملەكەتتىك قىزمەتشى تارتىپتىك تەرىس قىلىق جاساعان كەزدە لاۋازىمدى اتقارعان مەملەكەتتىك ورگان وسى قاعيدالاردىڭ مەملەكەتتىك ساياسي قىزمەتشىلەرگە قاتىستى ءتيىستى ەرەجەلەرىن قولدانا وتىرىپ جۇزەگە اسىرادى.
قىزمەتتىك تەرگەۋ: مەرزىم جانە راسىمدەر
جاڭا وزگەرىستەر ءتارتىپبۇزۋشىلىق دەرەكتەرى بويىنشا قىزمەتتىك تەرگەۋ تاعايىنداۋ ءتارتىبىن رەتتەيدى. ەندى بۇرىن قىزمەت اتقارعان مەملەكەتتىك ورگان ءۇش جۇمىس كۇنى ىشىندە قازىرگى جۇمىس ورنىن تەكسەرۋدىڭ باستالعانى جونىندە حاباردار ەتۋى ءتيىس.
ماتەريالداردى قاراۋ بۇرىنعى جۇمىس ورنى بويىنشا كوميسسيادا وتەدى، ال تارتىپتىك جازا قولدانۋ تۋرالى شەشىم بەس جۇمىس كۇنى ىشىندە جاڭا جۇمىس ورنىنا جىبەرىلەدى.
جاڭا رەداكسياعا سايكەس، ەگەر ساياسي نەمەسە اكىمشىلىك مەملەكەتتىك قىزمەتشىنىڭ وكىلەتتىگى توقتاعان ساتتە تارتىپتىك جازا الىنباعان بولسا، ول قىزمەتتەن بوساتىلعان كۇننەن باستاپ اۆتوماتتى تۇردە الىنعان دەپ ەسەپتەلەدى.