بيىل جەتىسۋ اۋدانىندا جاڭا دەنە شىنىقتىرۋ-ساۋىقتىرۋ ورتالىقتارى پايدا بولادى

الماتىنىڭ جەتىسۋ اۋدانىنداعى قۇلاگەر، اينابۇلاق-2 جانە كەمەل شاعىن اۋداندارىندا دەنە شىنىقتىرۋ-ساۋىقتىرۋ ورتالىقتارى سالىنادى دەپ حابارلايدى almaty-akshamy.kz

  
الماتى قالاسى جەتىسۋ اۋدانىنىڭ ءۇش تۇرعىن شاعىناۋدانىندا بيىل جاڭا دەنە شىنىقتىرۋ-ساۋىقتىرۋ ورتالىقتارى پايدا بولادى. اۋدان اكىمى گۇلنار كوكەبايەۆا وڭىرلىك كوممۋنيكاسيالار قىزمەتىنىڭ بريفينگىندە قۇرىلىستىڭ بارىسى تۋرالى حابارلادى. 
 

گۇلنار كوكەبايەۆانىڭ ايتۋىنشا، اۋدانداردىڭ دامۋى ءۇشىن ءبىلىم، مەديسينا جانە بەلسەندى دەمالىس ورىندارىنىڭ قادامدىق جاقىندىقتا ورنالاسۋى ماڭىزدى. سوندىقتان جەتىسۋ اۋدانىندا بىردەن ءۇش دەنە شىنىقتىرۋ-ساۋىقتىرۋ كەشەنىن سالۋ تۋرالى شەشىم قابىلداندى. 

 
«بۇل جەتىسۋ اۋدانىن جايلى ەتەدى. ءبىزدىڭ ماقسات – سپورتپەن شۇعىلدانۋعا جانە بوس ۋاقىتتى وتكىزۋ ءۇشىن مۇمكىندىگىنشە كوپ ورىن قۇرۋ. دەنە شىنىقتىرۋ-ساۋىقتىرۋ ورتالىقتارىنا بارۋ اقىسىز بولادى. مەملەكەت جانە قالا باسشىلىعى ەلدى مەكەندەردى دامىتۋعا، ونىڭ ىشىندە بۇقارالىق سپورتتى ناسيحاتتاۋعا ەرەكشە نازار اۋدارادى، ءبىز بارلىق جاعدايدى جاسايمىز»، - دەدى گ. كوكەبايەۆا. 

 
قازىرگى كەزدە قۇلاگەر شاعىناۋدانىندا (اياقتالۋ مەرزىمى - 2022 ج.)، اينابۇلاق-2 جانە كەمەل شاعىن اۋداندارىندا (اياقتالۋ مەرزىمى - 2021 ج.) ءۇش دەنە شىنىقتىرۋ-ساۋىقتىرۋ ورتالىعىنىڭ قۇرىلىسى جۇرگىزىلۋدە. ازىرگە قۇرىلىس جۇمىستارى 40 پايىزعا ورىندالدى. بۇل جەتىسۋ اۋدانىنىڭ بالالارى، جاستارى مەن زەينەتكەرلەرى ءۇشىن جاڭا تارتىمدى ورىندار بولادى دەپ جوسپارلانۋدا. 
 
جەتىسۋ اۋدانىنىڭ اكىمى كەمەل شاعىناۋدانىنىڭ تۇرعىندارى ءۇشىن بولاتىن وزگەرىستەر تۋرالى دا ايتتى. 
  

«شىلدەدە وتباسىلىق-دارىگەرلىك امبۋلاتوريانىڭ قۇرىلىسى باستالدى، ونىڭ جوبالىق قۋاتى بويىنشا اۋىسىمىنا 200 كەلۋشىنى قابىلدايدى. امبۋلاتوريانىڭ ەسكى عيماراتى بۇزىلدى»، - دەدى گۇلنار كوكەبايەۆا. 
 

سونداي-اق «اينابۇلاق-3» شاعىن اۋدانىنداعى №11 ەمحانا عيماراتىنا كۇردەلى جوندەۋ جۇرگىزىلۋدە، ونى 2022 جىلدىڭ ءبىرىنشى توقسانىندا اياقتاۋ جوسپارلانعان.