الەۋمەتتىك جوبالاردىڭ ارقاسىندا الماتىنىڭ جەتىسۋ اۋدانىنداعى كوپ بالالى جانە از قامتىلعان جۇزدەگەن وتباسى اي سايىن كومەك الادى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا اۋدان اكىمى گۇلنار كوكەبايەۆا مالىمدەدى. دەپ حابارلايدى almaty-akshamy.kz
گۇلنار كوكەبايەۆانىڭ ايتۋىنشا، 2021 جىلى 534 وتباسى 123 ملن تەڭگە كولەمىندە اتاۋلى الەۋمەتتىك كومەك الدى.
اۋدان اكىمى كوپ بالالى جانە از قامتىلعان وتباسىلارعا ارنالعان «باقىتتى وتباسى – جەتىسۋ» الەۋمەتتىك ورتالىقتارىندا 1420 ادام ەسەپتە تۇراتىنىن ايتتى. ورتالىق ارقىلى 111 بالا «بالداۋرەن» جانە «الاۋ» شيپاجايلارىنا ساناتورلىق-كۋرورتتىق ەمدەلۋگە جىبەرىلدى. جىل باسىنان بەرى ورتالىقتا 152 انا تەگىن كۋرستان ءوتتى. «باقىتتى وتباسى – جەتىسۋ» ورتالىقتارىندا قولونەر، كيىم ءپىشۋ جانە تىگۋ، ماكياج، شاشتاراز، اسپازدىق، مانيكيۋر مەن پەديكيۋر، كىرپىك ۇزارتۋدى ۇيرەنۋگە بولادى.
گۇلنار كوكەبايەۆا بيىل «حالىق» قوعامدىق قورىنىڭ قولداۋىمەن كاسىپكەرلەر ەسەبىنەن 922 مۇقتاج وتباسىعا كومەك كورسەتىلگەنىن ايتتى.
از قامتىلعان وتباسى بالالارىنا دا جان-جاقتى قولداۋ كورسەتىلەدى. مىسالى، الەۋمەتتىك جوبالار اياسىندا 300-دەن استام بالالار مەن جاسوسپىرىمدەر قۇلاگەر، كوكمايسا، كوكجيەك، اينابۇلاق شاعىناۋداندارىنداعى «جەكپە-جەك» ورتالىقتارىنداعى سەكسيالارعا تەگىن قاتىسۋعا مۇمكىندىك الدى. كوكجيەك، رابوچيي پوسەلوك جانە اينابۇلاق-4 شاعىناۋداندارىنان كەلگەن 350-دەن استام بالا تەگىن فۋتبول وينايدى.