بيىل باستاۋىشتان باسقا وقۋشىلاردىڭ ءبارى قازاق تىلىنەن ەمتيحان تاپسىرادى

بۇعان دەيىن بۇل سىناقتان تەك 9-11ء-شى سىنىپ وقۋشىلارى عانا وتەتىن.

ەندى ولاردىڭ قاتارىنا ورتا بۋىننىڭ بەسىنشى، التىنشى، جەتىنشى، سەگىزىنشى سىنىپتارى مەن جوعارى بۋىننىڭ ونىنشى سىنىبى قوسىلدى، دەپ حابارلايدى Almaty-akshamy.kz 24.kz-كە سىلتەمە جاساپ.

ءسويتىپ، باستاۋىشتان وزگە وقۋشىلار قازاق ءتىلىن قانشالىقتى بىلەتىنىن ءىس جۇزىندە كورسەتۋگە ءتيىس.

«وقۋشىلاردىڭ  ءتىلدى مەڭگەرۋ دەڭگەيىن باعالاۋ عانا ەمەس، وقۋشىلارىمىزدىڭ وقۋ ساۋاتتىلىعىن دامىتۋ جانە ءتىلدى ۇيرەنۋگە ىنتالاندىرۋ. ەمتيحاننىڭ قورىتىندىسى اسەر ەتەدى . قورىتىندى باعالارىنا اسەر ەتەدى. مىسالعا 5 كە وقىپ كەلە جاتقان «التىن بەلگىگە» ۇمىتكەرلەر وسى ارالىق ەمتيحاننان 4 دەگەن باعا الىپ قالسا ول التىن بەلگىگە ۇمىتكەر بولا المايدى»، - دەيدى ورتا ءبىلىم كوميتەتىنىڭ باس ساراپشىسى  گۇلسىيلا مۇزدىبەكوۆا.

ەمتيحان ۋاقىتىن مەكتەپ اكىمشىلىگى بەلگىلەيدى. ول اۋىزشا جانە جازباشا ءوتىپ، وقۋشىنىڭ قازاق تىلىندە وقۋ، جازۋ، تىڭداۋ مەن سويلەۋ داعدىلارىن انىقتايدى. ەمتيحان تاپسىرمالارىن سىنىپتىڭ وقۋ باعدارلاماسىن نەگىزگە الا وتىرىپ مۇعالىمدەر دايىندايدى.

«1 ساۋىردەن باستاپ وسى توقسان باستالعالى بەرى  دايىندىق ساباقتارىنىڭ كەستەسىن بەكىتىپ، دايىندىق جۇمىستارىن باستاپ كەتتىك.  جۇرگىزىلىپ جاتىر. ءبىزدىڭ مەكتەپتە 1700 بالانىڭ 730 بالاسى وسى ارالىق اتتەستاتتاۋ ەمتيحاندارىنا قاتىساتىن بولادى. بالانىڭ جاس ەرەكشەلىگىنە قاراي وتىرىپ،  مۇعالىمدەر تاپسىرمانى دايىنداپ، ءبىلىم باسقارماسىمەن قارالىپ دايىندالىپ، ءبىز بەكىتۋگە ۇسىندىق تاپسىرمانى، 4 نۇسقادان بولادى»، - دەيدى №8 مەكتەپ-ليسەيى ديرەكتورىنىڭ وقۋ ءىسى جونىندەگى ورىنباسارى اقمارال ءالىمقۇلوۆا.

ەمتيحاندى قازاق تىلىندە وقىتاتىن مەكتەپ تەك «قازاق ءتىلى بويىنشا تاپسىرسا، ال قازاق تىلىنەن باسقا تىلدە وقىتاتىن مەكتەپتەر «قازاق ءتىلى جانە ادەبيەتى» بويىنشا تاپسىرادى. ال سىناقتان سۇرىنگەن وقۋشىعا ەكىنشى مۇمكىندىك بەرىلەدى.