ۇلىبريتانياداعى جاسوسپىرىمدەر (ەڭ الدىمەن سمارتفون يەلەرى) اراسىنداعى سيفرلىق تاۋەلدىلىك جۇقپالى ىندەت سەكىلدى كەڭ اۋقىمدا تارالۋدا.
ناقتىراق ايتقاندا، ەپيدەميالىق سيپات الىپ كەلەدى. اتا-انالار مەن مۇعالىمدەر بيلىكتى اعىلشىن مەكتەپتەرىندەگى وقۋشىلاردىڭ سمارتفون پايدالانۋىنا شەكتەۋلەر ەنگىزۋدى تالاپ ەتىپ، دابىل قاعۋدا. بۇل جايىندا islam.kz پورتالى techcult اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
اقپان ايىنداعى بريتاندىق مەكتەپتەرگە ارنالعان نۇسقاۋلىقتا سمارتفوندى مەكتەپ قابىرعاسىندا پايدالانۋعا تىيىم سالۋدى، سونىڭ ىشىندە وقۋشىلاردان ۇيدە قالدىرۋدى نەمەسە سىنىپتاعى ارنايى شكافتا ساقتاي تۇرۋدى تالاپ ەتىلگەن. بۇل تاراپتا ارنايى جۇرگىزىلگەن ساۋالناماعا قاتىسقان 2500-گە تارتا اتا-انالاردىڭ 60%-عا جۋىعى 16 جاسقا تولماعان بالالار ءۇشىن سمارتفونعا تىيىم سالۋدى قولدايدى، بەس اتا-انانىڭ تورتەۋى گادجەتتى بالالارىنا زياندى، دەپ بىلەدى جانە 64%-ى مەكتەپ قابىرعاسىندا سمارتفوندى پايدالانۋعا مۇلدەم تىيىم سالۋدى قۇپتاعان. تەك 20 پايىزى عانا مۇنداي تىيىمعا قارسى بولعان. قازىرگى ۋاقىتتا اتالعان ەلدە بالالاردىڭ 97%-ى 12 جاسقا جەتپەي جاتىپ سمارتفونعا يە بولادى ەكەن.