الەۋمەتتىك مەديسينالىق ساقتاندىرۋ قورىنىڭ الماتى قالالىق فيليالىنىڭ مالىمەتىنشە، 2026 جىلى الماتىلىقتاردىڭ دەنساۋلىعىنا ءمامس (مىندەتتى الەۋمەتتىك مەديسينالىق ساقتاندىرۋ) بويىنشا 165 ملرد تەڭگەنى قوسا العاندا، 367،6 ملرد تەڭگەدەن استام قاراجات ءبولىندى، دەپ حابارلايدى aqshamnews.kz
قور تەگىن مەديسينالىق كومەكتىڭ كەپىلدەندىرىلگەن كولەمى پاكەتى قۇرامىنا شۇعىل جانە جەدەل مەديسينالىق كومەك، اينالاداعى ادامدارعا ءقاۋىپ توندىرەتىن اسا ءقاۋىپتى اۋرۋلاردى ەمدەۋ، سونداي-اق الەۋمەتتىك ماڭىزى بار 11 اۋرۋ، پاللياتيۆتىك مەديسينالىق كومەك جانە قان پرەپاراتتارىمەن قامتاماسىز ەتۋ كىرەتىنىن ناقتىلايدى.
"بۇل مەديسينالىق قىزمەتتەر ساقتاندىرۋ مارتەبەسىنە قاراماستان بارلىق ازاماتتارعا كورسەتىلەدى. سونداي-اق مىندەتتى الەۋمەتتىك مەديسينالىق ساقتاندىرۋ جۇيەسىندەگى مەديسينالىق كومەككە 202،6 ملرد تەڭگەدەن استام قاراجات ءبولىندى"، دەپ حابارلايدى قوردىڭ الماتىلىق فيليالى.
2026 جىلى الماتى قالاسى بويىنشا مەديسينالىق ساقتاندىرۋ قورى 218 مەديسينالىق ۇيىممەن كەلىسىمشارت جاساستى. ونىڭ ىشىندە — 126 مەكەمە جەكەمەنشىكتە. الماتىلىقتار العاشقى مەديسينالىق-سانيتاريالىق كومەك كورسەتەتىن 78 ۇيىمنىڭ (ەمحانالاردىڭ) بىرىنە تىركەلە الادى.
2026 جىلدىڭ قاڭتار ايىنان باستاپ ءال-اۋقاتى تومەن الماتىلىقتار مەن رەسمي تىركەلگەن جۇمىسسىزدار ءۇشىن ءمامس جارنالارىن قالا اكىمدىگى تولەيتىن بولدى. بۇل شارا الماتىنىڭ 62 مىڭنان استام تۇرعىنىن قامتيدى.
ءمامس مارتەبەسىن قوردىڭ رەسمي سايتى ارقىلى تەكسەرۋگە بولادى: msqory.kz، Telegram-saqtandyrybot بوتى، سونداي-اق Qoldau 24/7 ءموبيلدى قوسىمشاسى جانە ەكىنشى دەڭگەيلى بانكتەر ارقىلى.