قۇتقارۋشىلار ازاماتتارعا مۇز ۇستىندە ءقاۋىپسىز ءجۇرۋ قاعيدالارىن، مۇز استىنان بالىق اۋلاۋ تالاپتارىن، سونداي-اق قىسقى بەلسەندى دەمالىس كەزىندەگى ساقتىق شارالارىن ءتۇسىندىرىپ جاتىر، دەپ حابارلايدى aqshamnews.kz
ەلوردادا تجد قىزمەتكەرلەرى حالىقتىڭ جاپپاي دەمالاتىن ورىندارىندا ءتۇسىندىرۋ جۇمىستارىن جۇرگىزدى. تۇرعىندارعا قىسقى كەزەڭدەگى ءقاۋىپسىز مىنەز-قۇلىقتىڭ نەگىزگى قاعيدالارى، سونداي-اق سىرعاناقتا، كونكيمەن جانە تيۋبينگپەن سىرعاناۋ كەزىندە ساقتىق شارالارىن ەسكە سالدى. قاتپاعان مۇز ۇستىمەن جۇرۋگە جانە كولىكپەن شىعۋعا تىيىم سالىناتىنىنا، سونداي-اق بالالاردى اتا-انالاردىڭ تۇراقتى باقىلاۋدا ۇستاۋىنىڭ ماڭىزدىلىعىنا ەرەكشە نازار اۋدارىلدى.
اقمولا وبلىسىنىڭ توتەنشە جاعدايلار دەپارتامەنتى كوپا كولىندە پروفيلاكتيكالىق رەيد وتكىزدى. ءىس-شارا بارىسىندا قۇتقارۋشىلار جاعالاۋ بويىندا ورنالاسقان قىسقى اتتراكسيونداردىڭ ورنالاستىرىلعان ورىندارىن تەكسەرىپ، دەمالىس ايماقتارىنىڭ يەلەرىمەن كۆادروسيكلدەر مەن قاردا جۇرەتىن تەحنيكالار ارقىلى مۇزعا شىعۋعا جول بەرىلمەيتىنى تۋرالى ءتۇسىندىرۋ اڭگىمەلەرىن جۇرگىزدى. سۋ ايدىندارىنداعى قاۋىپسىزدىك ەرەجەلەرىن بۇزعانى ءۇشىن كاسىپكەرلەردىڭ بىرىنە قاتىستى ق ر اقبتك-نىڭ 412-بابى بويىنشا اكىمشىلىك حاتتاما تولتىرىلدى.
شىعىس قازاقستان وبلىسىندا قۇتقارۋشىلار مۇز استىنان بالىق اۋلاۋ ورىندارىنداعى باقىلاۋدى كۇشەيتتى. بالىقشىلارمەن قاتپاعان مۇزعا شىعۋدىڭ قاۋىپتىلىگى جانە قۇتقارۋ جيلەتتەرى مەن ءوزىن-وزى قۇتقارۋ قۇرالدارىن پايدالانۋدىڭ قاجەتتىلىگى تۋرالى پروفيلاكتيكالىق اڭگىمەلەر جۇرگىزىلدى. قىسقى كەزەڭ باستالعالى بەرى وڭىردە ق ر اقبتك-نىڭ 412-بابى بويىنشا 31 قۇقىق بۇزۋشى اكىمشىلىك جاۋاپكەرشىلىككە تارتىلدى.
قۇتقارۋشىلار كەز كەلگەن كولىك قۇرالىمەن، سونىڭ ىشىندە كۆادروسيكلدەر مەن قاردا جۇرەتىن تەحنيكالارمەن مۇزعا شىعۋعا قاتاڭ تىيىم سالىناتىنىن ەسكە سالادى؛ سىرعاناقتاردا جانە تيۋبينگپەن سىرعاناۋ كەزىندە قاۋىپسىزدىككە ەرەكشە نازار اۋدارىلادى، ازاماتتارعا تەك ارنايى جابدىقتالعان ورىنداردى تاڭداۋعا، ءقاۋىپتى ەڭىستەردەن سىرعاناماۋعا، تيۋبينگتە دۇرىس وتىرۋ ەرەجەسىن ساقتاۋعا جانە بالالاردى قاراۋسىز قالدىرماۋعا كەڭەس بەرىلەدى.
قازاقستان تجم قاۋىپسىزدىك ەرەجەلەرىن قاتاڭ ساقتاۋعا جانە ءومىردى قورعاۋعا شاقىرادى، ال توتەنشە جاعداي تۋىنداعان جاعدايدا دەرەۋ 112 نومىرىنە حابارلاسۋ قاجەت.