قازاقستاندا تانىمال شاي تۇرلەرىنەن ءقاۋىپتى قوسپالار انىقتالدى
ق ر باس مەملەكەتتىك سانيتاريالىق دارىگەرىنىڭ 5 قاڭتارداعى قاۋلىسىمەن حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى باقىلاۋ ماقساتىندا ءتيىستى نورماتيۆتىك قۇقىقتىق اكتىلەر مەن تەحنيكالىق رەگلامەنتتەر تالاپتارىنا سايكەس كەلمەيتىن شايدى اكەلۋگە جانە ساتۋعا تىيىم سالىندى.
حالىقتىڭ سانيتاريالىق-ەپيدەميولوگيالىق قاۋىپسىزدىگى سالاسىندا باقىلاۋ ماقساتىندا ساتىپ الۋ جانە ساراپتاما جۇرگىزۋ بارىسىندا قۇرامىندا تاعامدىق بوياعىشتار (سارى "كۇن باتۋى" (E110)، تارترازين (E102)، پونسو 4R (E124)) بار قارا شايدىڭ ءوندىرىلىپ، ساتىلۋ فاكتىلەرى انىقتالدى، ولاردى شايدا قولدانۋعا رۇقسات ەتىلمەيدى.
بۇدان بولەك، حالىقتىڭ سانيتاريالىق-ەپيدەميولوگيالىق قاۋىپسىزدىگى سالاسىنداعى تەرگەۋلەر بارىسىندا شاي قاپتامالارىندا شاي ءوندىرىسى مەن قاپتالۋىندا راستالماعان مەكەنجايلاردىڭ كورسەتىلگەنى انىقتالدى، بۇل قىزمەتتى جۇزەگە اسىرۋعا رۇقسات بەرۋ قۇجاتتارىنىڭ جوقتىعىن كورسەتەدى.
وسىعان بايلانىستى، كەلەسى قارا شاي تۇرلەرىنىڭ اكەلىنۋى مەن ساتىلۋىنا تىيىم سالىندى:
"اپامنىڭ ءشايى Premium gold"، "Al-Hayat" Golg، "بالقيا Premium gold"، ءوندىرۋشىسى "Orda Trade Astana" جشق (الماتى وبلىسى) ءوندىرىسى؛
"Sultan Suleyman"، "Pakistan tea"، ءوندىرۋشىسى "Real Trade Astana" جشق (استانا ق.)
"بالقيا Premium gold"، ءوندىرۋشى "ال-حاديا" جق (الماتى ق.)؛
"Aje Onim"، ءوندىرۋشى "وردا چاي" جق (الماتى ق.) "كالسيي" ج ش س تاپسىرىسى بويىنشا:
"Al-Hayat" Golg، ءوندىرۋشى "Empire KENIY E.P.Z. Limited" (الماتى وبلىسى)؛
"Al-Jannat Premium"، ءوندىرۋشى "Ferdaus" جق (الماتى ق.)؛
"Alfarah" (ءوندىرۋشىسى قاپتامادا كورسەتىلمەگەن).