وسكەمەن قالالىق پوليسيا باسقارماسىنىڭ پاترۋلدىك پوليسيا باتالونى قىزمەتكەرلەرى بىردەي مەملەكەتتىك تىركەۋ نومىرىمەن جۇرگەن ەكى Toyota Alphard كولىگىن انىقتاعان، - دەپ حابارلايدى Aqshamnews.kz
ءبىرىنشى كولىكتى 29 قىركۇيەك كۇنى توقتاتقان. سول كەزدە ءتارتىپ ساقشىلارى جۇرگىزۋشىنىڭ جۇرگىزۋشى كۋالىگىنىڭ جانە ساقتاندىرۋ ءپوليسىنىڭ جوق ەكەنىن انىقتاپ، اۆتوكولىك ارنايى تۇراققا قويىلعان. 21 قازان كۇنى ءدال سول مەملەكەتتىك نومىرمەن جۇرگەن تاعى ءبىر Toyota Alphard كولىگى پوليسەيلەردىڭ نازارىنا تۇسكەن.
تەكسەرۋ كەزىندە بۇل كولىكتىڭ شاناعىنىڭ سايكەستەندىرۋ ءنومىرى (VIN) كورسەتىلگەن مەملەكەتتىك نومىرگە سايكەس كەلمەيتىنى انىقتالدى. كولىك جالعان تىركەۋ نومىرلەرىن پايدالانعانى ءۇشىن ارنايى تۇراققا قويىلدى.
ءقازىر اتالعان فاكتى بويىنشا تەكسەرۋ جۇرگىزىلۋدە. پوليسەيلەر قۇقىق بۇزۋشىلىقتىڭ ءمان-جايىن جانە ەكى كولىكتىڭ يەلەرىنىڭ اراسىنداعى بايلانىستى انىقتاپ جاتىر.