«قازاقستان تەمىر جولى» ۇلتتىق كومپانياسى» اق مالىمەتتەرىنە سايكەس، 2025 جىلعى 1 قىركۇيەكتەن 19 قازانعا دەيىنگى كەزەڭدە قازاقستان جاڭا استىق ونىمىنەن 1،6 ملن توننا استىق ەكسپورتتادى.
بۇل وتكەن جىلدىڭ وسى كەزەڭىمەن سالىستىرعاندا 14%-عا كوپ (2024 جىلى – 1،4 ملن توننا)، - دەپ حابارلايدى Aqshamnews.kz.
ەكسپورت كولەمى نەگىزىنەن ورتالىق ازيا جانە كاۆكاز ەلدەرى باعىتىندا ارتقانى بايقالادى. ماسەلەن، وزبەكستانعا ەكسپورت كولەمى 41%-عا ءوسىپ، 568 مىڭ توننادان 801 مىڭ تونناعا جەتتى. ال تاجىكستانعا 3،8%-عا ءوستى (236 مىڭنان 245 مىڭ تونناعا دەيىن)، ال قىرعىزستانعا جەتكىزىلىم 2،6 ەسەگە كوبەيىپ، 17 مىڭنان 45 مىڭ توننانى قۇرادى.
سونىمەن قاتار، ازەربايجانعا ەكسپورت 3،4 ەسەگە ۇلعايسا، (11 مىڭنان 38 مىڭ تونناعا دەيىن)، اۋعانستانعا جەتكىزىلىم 28،6%-عا ءوسىپ، 56 مىڭنان 72 مىڭ تونناعا جەتتى، سونداي-اق، تۇرىكمەنستانعا ەكسپورت 66،7%-عا كوبەيىپ، 3 مىڭنان 5 مىڭ تونناعا دەيىن كوبەيدى.
ەكسپورت بويىنشا مۇنداي كورسەتكىش قازاقستاندىق استىققا سۇرانىستىڭ جوعارى ەكەنىن جانە ءونىمدى كورشى ەلدەرگە جەتكىزۋ ءۇشىن لوگيستيكالىق باعىتتاردىڭ تۇراقتىلىعىن دالەلدەيدى