قازاقستاندا بارلىق بانكتەردى قولما-قول ەمەس تولەمدەرگە ارنالعان ءبىرىڭعاي QR-كود جۇيەسىنە قاتىسۋعا مىندەتتەۋى مۇمكىن.
جۇيەنىڭ ءبىرىڭعاي وپەراتورى – ۇلتتىق بانككە 100% تيەسىلى ۇلتتىق تولەم كورپوراسياسى بولادى. قازىرگى ۋاقىتتا ەلىمىزدەگى بارلىق قولما-قول ەمەس تولەمدەردىڭ 90%-ى نەمەسە كۇن سايىن شامامەن 5،9 ترلن تەڭگە وسى كورپوراسيا ارقىلى وتەدى. قارجى رەتتەۋشىسىنىڭ ءتوراعاسى تيمۋر سۇلەيمەنوۆتىڭ ايتۋىنشا، ءبىرىڭعاي QR-كود جۇيەسىندە تولىققاندى جۇمىس ىستەپ جاتقان 3 بانك بار، تاعى 9 بانك سىناق رەجيمىندە.
– جىل سوڭىنا دەيىن بانكتەرمەن سەرىكتەستىك قارىم-قاتىناس ارقىلى نەمەسە زاڭناماعا ەنگىزىلەتىن تۇزەتۋلەر نەگىزىندە بارلىق بانكتى جۇيەگە قوسۋ مىندەتى تۇر. ءبىز بۇل باعىتتا ەكى جولمەن قاتار قوزعالامىز. بانكتەر بۇل پروسەستى ءتۇسىنىپ وتىر. مۇندا ماسەلە – بۇل ۇلكەن تەحنولوگيالىق جوبا. ءار بانكتىڭ ءوزىنىڭ جۇيەسى بار، ءارقايسىسى جەكە ەكوجۇيەسىن دامىتۋعا تىرىسادى. ەندى ولاردىڭ بارلىعىن ءبىرىڭعاي ورتالىققا، ءبىرىڭعاي وپەراتورعا قوسۋ قاجەت. بۇل – قوسىمشا شىعىن، ادامي جانە تەحنولوگيالىق رەسۋرستار تالاپ ەتەدى، – دەدى ۇلتتىق بانك باسشىسى.
قازاقستاندا ءبىرىڭعاي QR-كود جۇيەسىنىڭ پيلوتتىق جوباسى 2024 جىلدىڭ قاراشاسىندا ىسكە قوسىلعان.