نۇرماعامبەتوۆ كوشەسى، 374/1 مەكەنجايداعى ءتورت قاباتتى عيمارات زاڭسىز دەپ تانىلدى. ءبىر كۇن بۇرىن نىسان سوت ورىنداۋشىلارىنىڭ قاتىسۋىمەن بۇزىلا باستادى. بۇل تۋرالى الماتىنىڭ قالا قۇرىلىسىن باقىلاۋ باسقارماسى حابارلادى.
نىسان زاڭسىز سالىنعان. 2022 جىلى قۇرىلىستىڭ ءتيىستى قۇجاتى بولماعاندىقتان باسقارما ءوز بەتىنشە سالىنعان عيماراتتى بۇزۋعا تالاپ-ارىز بەرگەن ەدى. كەيىن سوت پروسەسى ءجۇردى.
2022 جىلى 29 قاراشادا الماتى قالالىق سوتى باسقارمانىڭ تالاپ-ارىزىن قاناعاتتاندىردى جانە الماتىنىڭ ادىلەت دەپارتامەنتى اتقارۋشىلىق ءىس قوزعاعان بولاتىن.
قالا تۇرعىندارىنا عيماراتتىڭ زاڭسىز سالىنعانىن ەسكەرتۋ ءۇشىن نىسان جىلجىمايتىن مۇلىكتى ساتىپ الۋعا ۇسىنىلمايتىن تىزىمگە ەنگىزىلدى.
ەستەرىڭىزگە سالا كەتەيىك، بۇعان دەيىن تىزىمگە ەنگەن ءبىرقاتار زاڭسىز سالىنعان ءىرى نىسان تولىق نەمەسە جارتىلاي بۇزىلعان بولاتىن، ولاردىڭ اراسىندا «ارمان» جانە «KHAN»، «Orda City» تۇرعىن ءۇي كەشەندەرى جانە ت.ب. بار.
الماتىنىڭ قالا قۇرىلىسىن باقىلاۋ باسقارماسى جىلجىمايتىن مۇلىكتى ساتىپ الماس بۇرىن ونىڭ قۇجاتتارىنىڭ بار-جوعىن ءبىلۋ ءۇشىن +7 705 89 66 000 WhatsApp انىقتامالىق تەلەفون نومىرىنە جۇگىنۋگە كەڭەس بەرەدى.