2025–2026 وقۋ جىلىنىڭ ءۇشىنشى توقسانىندا الماتى قالاسىنىڭ بارلىق مەملەكەتتىك مەكتەبى وتاندىق BilimClass پلاتفورماسىنا كوشتى. پلاتفورما تولىقتاي زاڭ اياسىندا جۇمىس ىستەيدى جانە اقپاراتتىق قاۋىپسىزدىك تالاپتارىن ساقتايدى. BilimClass - تولىقتاي تەگىن پلاتفورما، ونى پايدالانۋ ءۇشىن مەكتەپتەر دە، اتا-انالار دا، مەملەكەت تە اقى تولەمەيدى.
BilimClass وكىلدەرىنىڭ ايتۋىنشا، پلاتفورماعا كوشۋ پروسەسى باستاپقىدا جاز مەزگىلىنە، جاڭا وقۋ جىلى باستالعانعا دەيىن جوسپارلانعان. الايدا بۇرىنعى جۇيە ءتۇرلى تەحنيكالىق جۇمىستار مەن سول تەكتەس سەبەپتەردى جەلەۋ ەتىپ، بۇعان مۇمكىندىك بەرمەگەن. وقۋشىلاردىڭ ۇلگەرىمىنە قاتىستى جيناقتالعان دەرەكتەردەن ايىرىلىپ قالۋدان قاۋىپتەنگەن مەكتەپتەر كوشۋ پروسەسىن كەيىنگە قالدىرىپ، بۇرىنعى پلاتفورمادا قالۋعا ءماجبۇر بولعان. بۇدان كەيىن BilimClass پلاتفورماسىن الدىمەن الماتىداعى جاڭادان اشىلعان مەكتەپتەردە اپروباسيادان وتكىزۋ تۋرالى شەشىم قابىلدانعان.
"ءبىز پلاتفورمانى الدىمەن 15 مەكتەپتە ىسكە قوسىپ، قىزمەتكەرلەردى وقىتتىق، شەشىمدەرىمىزدىڭ باسقا جۇيەمەن سالىستىرعانداعى ارتىقشىلىقتارىن كورسەتە الدىق. ناقتى مەكتەپتەردىڭ پىكىرىنە سۇيەنە وتىرىپ، ءبىلىم باسقارماسى ءوز باستاماسىمەن قالانىڭ بارلىق مەكتەبىن BilimClass-قا كوشىرۋ تۋرالى شەشىم قابىلدادى. مەكەمە پلاتفورمانىڭ مەكتەپتەرگە ىڭعايلى بولۋىنا، اقپاراتتىق قاۋىپسىزدىك جانە دەرەكتەردىڭ سەنىمدى ساقتالۋىنا باسا نازار اۋداردى. ءبىزدىڭ پلاتفورما بۇل تالاپتارعا تولىقتاي ساي. وعان قوسا، مەكتەپتەردى وقۋ جىلىنىڭ ورتاسىندا BilimClass پلاتفورماسىنا اۋىستىرىپ جاتقانىمىز ءبىرىنشى رەت ەمەس، بۇل پروسەستى بارلىق قولدانۋشىلار ءۇشىن وڭاي جانە جايلى ەتۋگە ءارقاشان بارىمىزدى سالامىز. قازىرگى تاڭدا ءبىزدىڭ پلاتفورمانى قازاقستاننىڭ 11 وڭىرىندەگى مەكتەپتەر پايدالانىپ وتىر"، - دەيدى Bilim Group كومپانياسىنىڭ CEO-سى الەكساندر ساۆچەنكو.
الايدا الەكساندر ساۆچەنكونىڭ ايتۋىنشا، الەۋمەتتىك جەلىلەر مەن ءبىرقاتار اقپارات قۇرالدارىندا باسەكەلەس ۇيىمنىڭ تالابى بويىنشا سوت الماتى مەكتەپتەرىنىڭ BilimClass-قا كوشۋىنە تىيىم سالدى دەگەن جالعان اقپارات تاراعان. ناقتىسىندا مۇنداي سوت شەشىمى جوق، تەك قاتەلەر تۇزەتىلگەن ۇيعارىم بار. ءقازىر BilimClass قالىپتى رەجيمدە جۇمىس ىستەپ تۇر. پلاتفورما ءوز جۇمىسىن كاسىبي جانە اشىق جۇرگىزەتىندىكتەن، زاڭ تۇرعىسىنان ەشقانداي ماسەلە جوق.
"ءبىز جالعان اقپارات تاراتۋمەن اينالىسپايمىز جانە قوعامدى دا، پلاتفورمامىزدىڭ پايدالانۋشىلارىن دا جاڭساق ويعا جەتەلەۋدەن اۋلاقپىز. ءبىز ءوز جۇمىسىمىزدى جاقسى اتقارىپ، نارىقتا باسەكەگە قابىلەتتى جاڭا شەشىمدەر ۇسىنۋعا تىرىسامىز. سونىمەن قاتار ءوز جۇمىسىمىزدا زاڭ تالاپتارىنا قاتاڭ سۇيەنەمىز"، - دەپ اتاپ ءوتتى Bilim Group كومپانياسىنىڭ Bilim Group كومپانياسىنىڭ باسشىسى الەكساندر ساۆچەنكو.
سونىمەن قاتار، كومپانيا باسشىسى توقسان باستالماي تۇرىپ مۇعالىمدەرگە BilimClass-پەن جۇمىس ىستەۋ بويىنشا الدىن الا وقىتۋ ساباقتارى جۇرگىزىلگەنىن ايتادى. بۇدان بولەك پلاتفورما كومانداسى مەكتەپتەر مەن مۇعالىمدەرگە كۇندەلىكتى قولداۋ كورسەتىپ كەلەدى. اتا-انالارعا ارنالعان قولداۋ قىزمەتى دە جۇمىس ىستەپ تۇر.
"ءبىز نارىققا ۇزدىك شەشىم ۇسىنىپ وتىرعانىمىزدىڭ بىردەن-بىر دالەلى - ون وڭىردەگى ءبىلىم باسقارمالارى جۇرگىزگەن تاۋەلسىز ساۋالناما ناتيجەلەرى. 46 636 ءمۇعالىم مەن 139 439 اتا-انانىڭ ىشىندە پايدالانۋشىلاردىڭ 66،4%ء-ى مەن 59،4%ء-نىڭ تاڭداۋى BilimClass-قا تۇسكەن، - دەپ ءتۇسىندىردى Bilim Group كومپانياسىنىڭ باسشىسى الەكساندر ساۆچەنكو.
ونىڭ ايتۋىنشا، جۇيە باستان-اياق Bilim Group-تىڭ ازىرلەمەلەرى نەگىزىندە جاسالعان، ەشقانداي شەتەلدىك شەشىمدەر قولدانىلماعان. پلاتفورما جارناماسىز، تەگىن جۇمىس ىستەيدى ءارى وقۋ پروسەسىنىڭ بارلىق قاتىسۋشىسىنا پايدالى كوپتەگەن فۋنكسيانى قامتيدى.
"EdTech نارىعى ءبىلىم ساپاسىن جاقسارتۋعا بارىن سالۋى كەرەك، الايدا ەتيكا مەن زاڭ اياسىندا ارەكەت ەتۋگە ءتيىس. سوندىقتان ءبىز نارىقتىڭ بارلىق وكىلىن ادال، اشىق جانە قازاقستان مەكتەپتەرىنە پايدا تيگىزۋ باعىتىندا جۇمىس ىستەۋگە شاقىرامىز"، - دەپ تۇيىندەدى Bilim Group كومپانياسىنىڭ باسشىسى الەكساندر ساۆچەنكو.
سونىمەن قاتار، جاڭا جۇيەگە كوشكەن مەكتەپتەر، مۇعالىمدەر مەن وقۋشىلار ەلەكتروندىق جۋرنالمەن قاتار پلاتفورما ۇسىناتىن باسقا دا پايدالى ونىمدەرگە قول جەتكىزگەن. ولاردىڭ قاتارىندا تمد اۋماعىنداعى ەڭ ءىرى سيفرلىق ءبىلىم بەرۋ كونتەنت قورى سانالاتىن BilimLand پلاتفورماسى، ۇبت-عا دايىندالۋعا كومەكتەسەتىن iTest ونلاين-ترەناجەرى مەن باستاۋىش سىنىپ وقۋشىلارىنا ارنالعان قازاق تىلىندەگى iMektep ۆيدەوساباقتار جيناعى بار.
ايتا كەتەيىك، پلاتفورمانى ازىرلەۋشى - قازاقستانداعى جەتەكشى Bilim Group IT حولدينگى. ونىڭ قۇرامىنا BilimLand، OnlineMektep، BilimKids، iTest، BilimUstaz، Kitap.kz جانە SmartNation سياقتى ونىمدەر كىرەدى.