باعدارلاما 6 وڭىردە قارقىندى ىسكە اسىرىلۋدا
دەنساۋلىق ساقتاۋ مينيسترلىگى بىلتىردان بەرى بۇكىل وڭىردە كامەلەتكە تولماعاندار اراسىندا ءسۋيسيدتىڭ الدىن الۋ باعدارلاماسىن ەنگىزە باستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
باعدارلاما 6 وڭىردە قارقىندى ىسكە اسىرىلۋدا، ارنايى سايتتا جۇيەلى مونيتورينگ جاسالادى.
كامەلەتكە تولماعاندار اراسىندا ءسۋيسيدتىڭ الدىن الۋ ماسەلەلەرى بويىنشا 2021 جىلى 761 دەنساۋلىق ساقتاۋ مامانى جانە 705 ءبىلىم مامانى (پسيحولوگ) وقۋدان ءوتتى.
ونلاين بايلانىس ارقىلى پاسيەنتتەرگە اي سايىن كەڭەس بەرۋ ۇيىمداستىرىلعان. 2021 جىلى 3880 ونلاين كەڭەس وتكىزىلدى.
بۇۇ بالالار قورىنىڭ (UNءىCEF)، UNAIDS قولداۋىمەن رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعى COVID-19 ينفەكسياسىنىڭ تارالۋى كەزىندە حالىقتى قامتاماسىز ەتۋ ءۇشىن اقپاراتتىق رەسۋرستار اشتى.
بۇل ينتەرنەت-پلاتفورمادا قولجەتىمدى كەڭەستەر، سۇراقتارعا جاۋاپتار، وزىنە-وزى كومەك كورسەتۋ تۋرالى اقپارات بار.
سونىمەن قاتار پسيحيكالىق دەنساۋلىق ماماندارىنا، ونىڭ ىشىندە مەكتەپ پسيحولوگتارىنا قيىن جاعدايدا كومەك كورسەتۋ ءۇشىن رەسۋرستار بار.
MENTALCENTER QAZAQSTAN YouTube ارناسى اشىلدى، ونىڭ ماقساتى - ەڭ الدىمەن پسيحيكالىق دەنساۋلىق سالاسىنداعى مامانداردىڭ ءبىلىمىن ارتتىرۋ.
2021 جىلعى جەلتوقساننان باستاپ «COVID-19 بار پاسيەنتتەرگە كومەك كورسەتۋگە تارتىلعان ينفەكسيالىق ستاسيونارلار مەن مساك ۇيىمدارىنىڭ مەديسينا قىزمەتكەرلەرىنىڭ ەموسيونالدى شارشاۋىن الدىن الۋ ماقساتىندا كومەكتى ۇيىمداستىرۋ» جوباسى ىسكە اسىرىلىپ جاتىر.
بۇدان باسقا، پسيحيكالىق دەنساۋلىقتى قورعاۋ قىزمەتىنىڭ جۇمىسىن رەگلامەنتتەيتىن نورماتيۆتىك-قۇقىقتىق بازا تۇراقتى نەگىزدە جەتىلدىرىلۋدە.
پسيحيكالىق، مىنەز-قۇلىق بۇزىلىستارىن دياگنوستيكالاۋ جانە ەمدەۋ حاتتامالارى جاسالىپ، جاڭارتىلادى.