كوك بايراق جەلدىڭ ەكپىنىنەن جىرتىلىپ قالماس ءۇشىن جاسالعان
اقتوبە قالاسىندا اۋا رايىنىڭ ناشارلاۋىنا بايلانىستى مەملەكەتتىك تۋ ءتۇسىرىلدى، دەپ حابارلايدى Almaty-akshamy.kz.
بۇل جايىنداعى مالىمەتتى وبلىس اكىمىنىڭ باسپا ءسوز قىزمەتى تاراتتى.
«قۇرمەتتى اقتوبەلىكتەر! اقتوبەدە جەلدىڭ كۇشەيۋىنە بايلانىستى 12 شاعىناۋدانداعى اينالما جولدا ورناتىلعان مەملەكەتتىك تۋ ۋاقىتشا الىندى جانە ق ر تۇڭعىش پرەزيدەنتى اتىنداعى ورتالىق ساياباقتا تۇرعان مەملەكەتتىك تۋ جەل باسىلعانعا دەيىن ءتۇسىرىلىپ قويىلدى»، - دەلىنگەن حابارلامادا.
ايتا كەتەيىك، بۇل كوك بايراق جەلدىڭ ەكپىنىنەن جىرتىلىپ قالماس ءۇشىن جاسالعان.
جەل باسىلعان سوڭ تۋ قايتادان ورنىنا ىلىنەدى.