بالالاردىڭ تگادجەتتەرگە تاۋەلدىلىگى دارىگەر مامانداردى الاڭداتىپ وتىر.
ەرتەڭنەن كەشكە دەيىن گادجەتپەن وتىراتىن بالالاردىڭ سويلەۋ قابىلەتى تومەندەيدى. ويلاۋ دەڭگەيى ناشارلايدى. قورشاعان ورتامەن قارىم-قاتىناسى ازايادى. ءقازىر 4-5 جاستاعى بۇلدىرشىندەردىڭ اراسىندا گادجەتكە تاۋەلدىلىك بار، دەپ حابارلايدى Almaty-akshamy.kz 24.kz-كە سىلتەمە جاساپ.
سوندىقتان، دارىگەرلەر بالالاردى ودان تەز ارادا اجىراتىپ الماسا، سوڭى جاقسىلىققا اپارمايدى، دەپ وتىر.
گادجەتكە تاۋەلدىلىك ەمدەلەدى. ەڭ باستىسى، بالاعا ونىڭ زيان ەكەنىن ايتىپ، كوزىن جەتكىزۋ كەرەك. ال دەر كەزىندە بۇل پروبلەمانى قولعا الماسا، دەنساۋلىعىن قايتا قالپىنا كەلتىرۋ مۇمكىن بولماي قالادى.
الماتىداعى پسيحيكالىق ساۋىقتىرۋ ورتالىعىنىڭ ماماندارى وسىلاي دەيدى. دارىگەردىڭ ايتۋىنشا، بىرىنشىدەن، بالاعا گادجەتتەن اتا-اناسى ماڭىزدى بولۋى كەرەك. ياعني اتا-انا بالاسىن وزىنە قاراتا ءبىلۋى كەرەك. ۇرپاعىنىڭ پسيحيكاسىنىڭ دۇرىس بولۋى الدىمەن سولاردىڭ مىندەتى.
«ءبىز كەلىسۋىمىز كەرەك بالامەن. قازىرگى بالانى الداۋدىڭ كەرەگى جوق. بالانى الداساڭىز، ول كەرىسىنشە ءسىز بەرمەگەن مالىمەتىڭىزدى دالادان نەمەسە عالامتوردان تاۋىپ الادى. سوندىقتان، بالامەن ءبىز اشىق سويلەسىپ كەلىسىمشارتقا وتىرۋىمىز كەرەك»، - دەيدى پسيحيكالىق دەنساۋلىق ورتالىعىنىڭ ديرەكتورى ساپار راحمانشەيەۆ.
پسيحيكالىق دەنساۋلىق ورتالىعى قالالىق ءبىلىم باسقارماسىمەن بىرگە 3 مىڭنان اسا وقۋشىعا ساۋالناما جۇرگىزدى. ءقازىر ماماندار ساراپتاما جاساپ جاتىر. سونىڭ ناتيجەسىندە بالالاردى گادجەتتەن اجىراتىپ الۋ جولدارىن قاراساتىرادى.
«اتا-انا مەن بالا اراسىنداعى كەلىسپەۋشىلىككە وسى تەلەفون سەبەپ. ادام كىنانى الدىمەن وزىنەن ىزدەۋى كەرەك. گاجەتتى الىپ بەرگەن، ينتەرنەتتى قوسقان، وعان قوسا قاداعالاۋدى ازايتقان بالانىڭ اكە-شەشەسىنىڭ ءوزى ەمەس پا؟ ياعني، بارلىق جاعدايدى جاساپ قويادى. گادجەتكە تاۋەلدىلىك دەگەن دياگنوز جوق ارينە. ءبىراق بىلەسىز بە، دۇرىس ۇيىقتاماۋ، دۇرىس تاماقتانباۋ، قوزعالىستىڭ جوقتىعى دەنساۋلىققا نۇقسان كەلتىرەدى. سوڭى سوزىلمالى اۋرۋلارعا اپارادى. بالالار گادجەتتى ءبىلىم الۋ ءۇشىن عانا قولدانۋى ءتيىس. سونىڭ وزىندە 7 جاستان 12 جاسقا دەيىن»، - دەيدى پسيحياتر دارىگەر سوفيا ابدىلدايەۆا.
1 ساعات قولدانۋى كەرەك. ال 12 جاستان 18 جاسقا دەيىن 2 ساعات ۇستاعانى ءجون. دارىگەر كەڭەسى وسىنداي. سوندا عانا وزدىگىنەن ويلاۋ قابىلەتى دامىپ، قىزىعۋشىلىعى ويانادى.
«7-8 ايلىق بالانى كوردىم. الدىنا، پودستاۆكاعا قويىپ بالاعا تەلەفون بەرىپ قويعان. انا بالا جىلاماسا بولدى. ماماسى،پاپاسى وزدەرىمەن وزدەرى. بالا ءبىر ساعات تەلەفوننان كوزىن المادى. ەندى بۇل دەگەن سۇمدىق نارسە عوي»، - دەيدى قالا تۇرعىنى زۋراش نۇرعيسا قىزى.
«بالا تەلەفونعا قاراعاننان كەيىن، ونىڭ ميى دامىماي قالادى عوي. ءبىر سوزبەن ايتقان كەزدە ءبىر توچكا قاراپ وتىرسا، بالانىڭ ميى جۇمىس جاسامايدى»، - دەيدى قالا تۇرعىنى ىڭكار سوتسيالحان.
تەلەفوننىڭ ەكرانى وتە كىشكەنتاي. اسىرەسە، ودان ويىندار وتە ۇساق كورىنەدى. ميعا ۇنەمى سالماق ءتۇسىپ تۇراتىندىقتان، دەمالىپ ۇلگەرمەيدى. ءقازىر پسيحيكالىق دەنساۋلىق ورتالىعىندا 2 جارىم مىڭعا جۋىق بالا مەن ءجاسوسپىرىم تىركەۋدە تۇر. ءجيى كەزدەسەتىن دياگنوز اۋتيزم مەن شيزوفرەنيا.