ارگەنتينا قۇراماسىنىڭ جۇلدىزدى شابۋىلشىسى ليونەل مەسسي ESPN نۇسقاسى بويىنشا «جىلدىڭ ۇزدىك ويىنشىسى» اتاندى.
جاقىندا عانا فرانسيالىق «پسج» كلۋبىمەن قوشتاسقان ول اقش-قا «ينتەر ماياميمەن» كەلىسىمشارتقا قول قويادى، دەپ حابارلايدى Almaty-akshamy.kz.
ماياميدەگى جانكۇيەرلەرى مەسسيدى كۇتىپ الۋعا قىزۋ دايىندالىپ جاتىر. ەلدەگى تانىمال سۋرەتشىلەر قابىرعاعا فۋتبولشىنىڭ سۋرەتتەرىن سالعان. سونداي-اق، مەسسي ماياميگە اۋىسقانان كەيىن ماچ بيلەتتەرىنىڭ باعاسى 1034%-عا قىمباتتاعان. كلۋبتىڭ الەۋمەتتىك جەلىدەگى وقىرماندار سانى ءبىر ميلليوننان سەگىز ميلليونعا دەيىن وسكەن.
جەرگىلىكتىڭ باسىلىمداردىڭ جازۋىنشا، 35 جاستاعى فۋتبولشى جىلىنا 50 ميلليون دوللاردان 60 ميلليون دوللارعا دەيىن جالاقى الادى.